• Сагсан бөмбөгийн Азийн аваргуудын лигийн тоглолтууд Монголд эхэллээ.
• B хэсэгт багтсан Монголын "Ulaanbaatar Xac Broncos" баг эхний тоглолтдоо хожлоо.

Сагсан бөмбөгийн Азийн аваргуудын лиг буюу "Basketball Champions League Asia"-д оролцох эрхийн төлөөх урьдчилсан шатны тэмцээн Монголд эхэллээ. UG Arena-д эхэлсэн тэмцээнд Монголын Үндэсний Дээд лигийн хоёр баг оролцож байна.

Нийт найман баг хоёр хэсэгт хуваагдан Азийн Аваргуудын лигт орох хоёр эрхийн төлөө өрсөлдөж буй. Өнөөдөр Монгол улсын төлөөлөл "Ulaanbaatar Xac Broncos" эхний тоглолтоо Сингапурын "Adroit club" багийн эсрэг хийж 98-74 харьцаагаар хожлоо.

Тоглолтод Баттүвшиний Билгүүн 16 оноо, 5 дамжуулалт, 3 бөмбөг таслалтаар багаа тэргүүлсэн бол Даваадоржийн Мөнхтүвшин 13 оноо, 3 дамжуулалт, Дивайн Майлс 16 оноотой удаалав. Харин Сингапурын багаас Дональд Муэпо Келли 21 оноо, 9 самбар, 5 дамжуулалтаар багаа хошуучилсан юм.

• 3х3 эмэгтэй, эрэгтэй шигшээ багууд Азийн аваргаас хүрэл медаль хүртлээ
• "FIBA 3x3 Asian Cup 2024"-д Монголын эмэгтэй баг ШИЛДЭГ ДӨРӨВТ ШАЛГАРЛАА
• ДӨРӨВДҮГЭЭР САРЫН СПОРТ: Сагсан бөмбөгийн аваргуудын лиг Монголд

Тэмцээний эхний тоглолт өнөөдөр 12:30 цагаас Малайзын "NS Matrix Deers" болон Хонконгийн "Hong Kong Eastern Basketball Team" багуудын хооронд болж 73-80 харьцаагаар Хонконгийн баг хожсон.

Харин хоёр дахь тоглолт Фредерих Лиш тэргүүтэй Тайландын "Hi-Tech Basketball Club" болон Индонезын "Pelita Jaya Basketball" багийн хооронд болоход 81-99 харьцаагаар Индонезын баг хожив.

Ийнхүү В хэсгийг Pelita Jaya Basketball болон Ulaanbaatar Xac Broncos багууд тэргүүлж эхэллээ.