#CS2 The MongolZ Туркийн "Eternal Fire"-ыг 2-0 (Ancient 13-8, Dust II 13-4) харьцаагаар хожиж финалд шалгарлаа.

300 мянган ам.долларын шагналын сантай CS2-ын "Skyesports Championship 2024" тэмцээн Энэтхэгийн Мумбай хотод үргэлжилж байна.

Энэхүү тэмцээнд урилгаар оролцож буй Монголын "The MongolZ" баг хагас шигшээд Туркийн "Eternal Fire" багтай тоглож 2-0 (Ancient 13-8, Dust II 13-4) харьцаагаар түүртэлгүй хожлоо.

Ийнхүү The MongolZ финалд шалгарснаар өнөөдөр 23:30 цагаас Францын "3DMAX", Оросын "Aurora Gaming" багуудын хожсонтой тоглохоор болов.

• The MongolZ "Skyesports Championship 2024"-ийн хагас шигшээд шалгарлаа
• The MongolZ Оросын багаас хариугаа авч, хэсгийн шатнаас шалгарах болзлоо хангалаа
• The MongolZ хоёр хожилтой хэсгээ тэргүүлж байна

Тэд өчигдөр Playoff-ын эхний тоглолтдоо Оросын "AMKAL ESPORTS" багийг 2-0 (Dust II 13-7, Mirage 13-11) харьцаагаар хожсон билээ.

Таван өдрийн турш болсон тэмцээнд Ази, Европын 12 баг оролцож байгаа дунд Оросын "BetBoom Team", "Aurora Gaming", Туркийн "Eternal Fire", Финландын "ENCE" зэрэг хүчирхэг багууд багтаж байна. The MongolZ тэмцээний "А" хэсэгт Aurora Gaming, Сингапурт төвтэй "BLEED Esports", ENCE, Оросын "PARIVISION", Энэтхэгийн "True Rippers Esports" багуудтай тоглосон.

Хэсгийн тоглолтууд BO1 журмаар болсон бөгөөд хэсгээ тэргүүлсэн гурван баг Playoff-т шалгарсан. Хэсгийн тэргүүн баг шууд хагас шигшээ шатанд тоглож буй бол удаах хоёр баг бусад хэсгийн багуудтай хагас шигшээгийн эрхийн төлөө тоглосон юм.

The MongolZ-ын үр дүн, хуваарь:

• 07.23. The MongolZ 1-0 (Ancient 13-11) True Rippers Esports
• 07.24. The MongolZ 0-1 (Mirage 11-13) PARIVISION
• 07.24. The MongolZ 1-0 (Mirage 13-5) ENCE
• 07.25. The MongolZ 0-1 (Mirage 11-13) BLEED Esports
• 07.26. The MongolZ 1-0 (Ancient 13-4) Aurora Gaming
• 07.27. The MongolZ 2-0 (Dust II 13-7, Mirage 13-11) AMKAL ESPORTS