Төрийн Өмчит Хувьцаат Компани (ТӨХК)-иудад ажил гүйцэтгэсэн ААН-үүд санхүүжилтээ авч чадахгүй байгаа талаар мэдээлэл хийж байна.

Тэд Багахангай, Хөшигийн хөндийн чиглэлийн төмөр замын ажилд оролцсон, мөн техникээ түрээслүүлсэн ч өнгөрсөн зунаас хойш ажлын хөлсөө авч чадаагүй байна.

Харин Зам тээврийн сайд Б.Дэлгэрсайхан энэ сарын 11-нд дараах мэдээллийг өгсөн юм. 

-Энэ төслийг өнгөрсөн хавар эхлүүлсэн ч мөнгө санхүүгийн улмаас гацсан. Засгийн газар өнгөрсөн аравдугаар сард "Монголын төмөр зам"-д 300 тэрбум төгрөгийн дотоод бонд гаргах эрх олгосон. Энэ бондыг банкуудад амжилттай арилжин, ажил хийсэн ААН-үүдийн төлбөрийг нь олголоо.