Монгол Улсын Засгийн газар болон “Рио Тинто” группийн хооронд Оюу Толгойн хөрөнгө оруулалтын гэрээтэй холбоотой шинэ шатны хэлэлцээ эхэлсэн.

Зээлийн хүү болон Менежментийн үйлчилгээний төлбөрийг бодитой бууруулахаар ажиллаж байна

Энэ хүрээнд Засгийн газрыг төлөөлж Сангийн сайд Б.Жавхлан болон Аж үйлдвэр, эрдэс баялгийн сайд Г.Дамдинням нар ажлын хэсгийг ахалж буй. Хэлэлцээрийн гол зорилго нь зээлийн хүүгийн хувь хэмжээг бууруулах, Үндэсний баялгийн санд орж ирэх хөрөнгийн урсгалыг түргэсгэх, мөн компанийн засаглал, ил тод байдлыг сайжруулахад чиглэж байна.

Аж үйлдвэр, эрдэс баялгийн сайд Г.Дамдинням өөрийн сошиал хуудаст "Хамгийн түрүүнд ОТ-н Хувь нийлүүлэгчдийн зээлийн хүүг хэлэлцэх ээлжит 7 жилийн хугацаа дуусаж байгаа гэх түгжээг тайлж тус хугацааг үл харгалзан хэлэлцээрийг үргэлжлүүлж үр дүнд хүрэхээр Рио Тинто-н талтай тохиролцож чадлаа. Зээлийн хүү болон Менежментийн үйлчилгээний төлбөрийг бодитой бууруулахаар ажиллаж байна" гээд дараах зургийг хавсаргажээ.