Засгийн газрын ээлжит хуралдаан өнөөдөр 08:00 цагт эхэллээ.

Хуралдаанаар хэлэлцэх асуудлууд:

• Австралийн Холбооны Улсын Амбан захирагч болон Шинэ Зеланд Улсын Парламентын Төлөөлөгчдийн танхимын дарга нарын Монгол Улсад хийсэн айлчлалын дүнгийн тухай
• УИХ-ын даргын Бүгд Найрамдах Казахстан Улсад хийсэн айлчлалын дүнгийн тухай
• “Монгол Улсыг 2026-2030 онд хөгжүүлэх таван жилийн үндсэн чиглэл батлах тухай” Улсын Их Хурлын тогтоолын төсөл
• Олон улсын холбоонд Монгол Улс элсэхийг дэмжих тухай Засгийн газрын тогтоолын төсөл
• Ерөнхий боловсролын цахим сургууль байгуулах тухай Засгийн газрын тогтоолын төсөл
• Монгол болон Казахстан Улсын Засгийн газар хоорондын Тэтгэврийн асуудлаар хамтран ажиллах тухай хэлэлцээрийг соёрхон батлах тухай хуулийн төсөл
• “Хэлэлцээрт нэгдэн орох тухай” Засгийн газрын тогтоолын төсөл /Олон улсын Нарны эрчим хүчний холбоо байгуулах тухай ерөнхий хэлэлцээр/

Бусад асуудал буюу танилцах асуудал:

• Багш, эмч нар болон ахмадын тэтгэврийг тодорхой хувиар нэмэгдүүлэх талаар
• 2025-2026 оны өвөлжилтийн бэлтгэл ажлын талаар