• Талбайн теннисний дөрвөн их дуулгын нэг АНУ-ын нээлттэй тэмцээн болов
• Тэмцээний эрэгтэйчүүдийн ганцаарчилсан төрөлд Сербийн Новак Жокович түрүүлэв
• Харин эмэгтэй ганцаарчилсан төрөлд АНУ-ын Коко Гофф түрүүлэв

Талбайн теннисний дөрвөн их дуулгын нэг, оны сүүлчийн их дуулга болох АНУ-ын нээлттэй тэмцээн өчигдөр өндөрлөв Тэмцээний эрэгтэйчүүдийн ганцаарчилсан төрөлд Сербийн Новак Жокович түрүүлснээр бүх цаг үеийн дээд амжилтыг дахин нэгээр ахиуллаа.

Өдгөө 36 настай Новак Жокович финалд Оросын Данийл Медведевийг 3-0 (3-6, 6-7, 3-6) харьцаагаар хожсоноор АНУ-ын нээлттэй тэмцээний дөрөв дэх, нийт их дуулгын 24 дэх цомоо өргөв.

Тэрээр энэ оны Roland Garros-т түрүүлснээр 23 дахь цомоо өргөж Испанийн алдарт Рафаэл Надалиас нэг цомоор илүү гараад байсан юм. Харин өнөөдрөөс эмэгтэйчүүдийн ганцаарчилсан төрөлд хамгийн олон түрүүлсэн Австралийн алдарт Маргарет Курттай тэнцлээ.

• ЕСДҮГЭЭР САРЫН СПОРТ: Чөлөөт бөх, хүндийн өргөлтийн ДАШТ
• Чехийн залуу теннисчин таамаг эвдэж Wimbledon-ы цомыг өргөлөө
• Дархан аварга Жоковичийн хожлын цувралыг 20 настай залуу зогсоолоо

Өнгөрсөн жилээс эхлэн Новак Жоковичийн хамгийн хүчтэй өрсөлдөгч болоод байсан Испанийн Карлос Алкараз хагас шигшээд Данийл Медведевт 1-3 харьцаагаар хожигдсон. Харин нутагтаа болсон тэмцээнд Фрэнсис Тиафо, Тейлор Фритз нар бус 20 настай залуу тамирчин Бен Шелтон хагас шигшээд үлдэв.

Харин эмэгтэйчүүдийн ганцаарчилсан төрөлд АНУ-ын 19 настай Коко Гофф түрүүлснээр их дуулгын анхны цомоо өргөлөө. Финалд Оросын Арына Сабаленкаг 2-1 харьцаагаар хожсон тэрээр өнгөрсөн оны Roland Garros-ын финалд үлдэж өөрийгөө таниулаад байв.

Хагас шигшээд АНУ-ын бас нэгэн шилдэг тамирчин тоглосон нь Мэдисон Кейс байв. 2017 оны АНУ-ын нээлттэй тэмцээн финалд тоглож байсан Кейс Оросын тамирчинд ялагдсан.