Хүүхдийн амь насанд аюултай, өвлийн морин уралдааныг эсэргүүцэж ТББ, иргэдээс мэдээлэл хийлээ.

УИХ-ын гишүүн асан Г.Баярсайхан:
- 2016 оны 2 дугаар сарын 18-нд Хөдөлмөрийн сайд байхдаа би А36 дугаар тоот тушаалаар Хүүхдийн хөдөлмөрийн тэвчишгүй хэлбэрийг устгах олон улсын конвенцид нэгдсэний дагуу 11-5 дугаар сард энэ төрлийн морин ямар нэгэн төрлийн уралдааныг хориглосон.  

Уяач улс төрчид Засгийн газар, парламентын шийдвэрт нөлөөлдөг

1996 оноос хойш өдийг хүртэл 50 гаруй хүүхэд морин уралдаанд амь насаа алдсан. Монгол Улсын хууль иргэд, хүүхдийнхээ эрүүл мэнд, амь насанд ээлтэй байх ёстой. Гэтэл өвөл, хаврын уралдааныг удаа дараа зохион байгуулж байгаа нь конвенцийн дагуу үүргээ биелүүлэхгүй, олон улсад ч нэр хүндээ алдаж буйн хэрэг.

Мөн авлигын индексээр сүүл мушгиж байгаа нь өөрсдийн гаргасан, тогтоол шийдвэртээ эзэн байдаггүйг илтгэнэ. Уяач улс төрчид Засгийн газар, парламентын шийдвэрт нөлөөлдөг. Хэрэв хаврын уралдааныг зохион байгуулбал дэлхий нийтэд зохимжгүй харагдана. Энэхүү арга хэмжээ, уралдаан зохион байгуулалтыг таслан зогсоохгүй бол бид Монгол Улсын Засгийн газрыг шүүхэд өгнө, хүүхдэд ээлгүй улс гэдгийг зарлана гэв.