• Австрали улс Украинд 73 сая ам.доллар бүхий зэвсгийн тусламж илгээнэ
• Энэ нь Орост болсон зэвсэгт бослоготой ямар ч хамааралгүй гэж мэдэгдэв
• Украины импортын бараанд татвар ногдуулахгүй байхыг дахин 12 сараар сунгана

Австрали улсын засгийн газраас Украин улсад 73 сая ам.доллар бүхий зэвсгийн тусламж, 70 хуягт машин хандивлахаа мэдэгдлээ. Ингэснээр Австрали улсын засгийн газар 2022 оны хоёрдугаар сард Орос Украины дайн эхэлснээс хойш нийт 790 сая австрали доллар бүхий хандив Украинд өгөөд байна.

Энэхүү шийдвэр нь өнгөрсөн өдрүүдэд Орост болсон зэвсэгт бослоготой ямар ч хамааралгүй. Мөн Украины эдийн засаг, худалдааг дэмжихийн тулд Украины импортын бараа бүтээгдэхүүнд татвар ногдуулахгүй байх шийдвэрийг дахин 12 сараар сунгахаа Австралийн ерөнхий сайд Энтони Албанез мэдэгдсэн.

Австралиас Украин руу илгээж буй энэ удаагийн тусламжийн багцад 28 ширхэг M113 хуягт машин, тусгай ажиллагааны 14, дунд оврын ачааны 28 машин, 14 чиргүүл багтжээ.

Эх сурвалж: Ройтерс