#CS2 The MongolZ өмнө нь Францын багтай дөрвөн тэмцээний хүрээнд 7 map тоглохдоо нэг ч удаа map авч үзээгүй байсан юм. Ийнхүү The MongolZ $25,000 шагналтайгаар тэмцээнээ дуусгалаа.

CS2-ын хамгийн нэр хүндтэй лигийн тэмцээн болох "ESL Pro League"-ийн 21 дэх удаагийн улирал Шведийн Стокхольм хотод үргэлжилж байна.

$400,000 (1.3 тэрбум төгрөг) шагналын сантай тэмцээний шигшээ шатанд гурав дахь удаа, хагас шигшээд анх удаа шалгарсан Монголын "The MongolZ" баг хагас шигшэд мажорын аварга "Team Vitality" багтай тоглолоо.

Тоглолтод 1-2 (Anubis 6-13, Nuke 16-14, Inferno 2-13) харьцаагаар Vitality хожсон бөгөөд Израил тоглогч Шахар "flameZ" Шушан +26 frag, 100.1 ADR-тай бүх тоглогчдыг тэргүүлэв.

Дасгалжуулагч Баянбатын "maaRaa" Эрдэнэдалай өөрсдийн байнга тоглодог Mirage map-ыг биш Vitality-н тааруу тоглодог Anubis map-ыг сонгон таамаглаагүй шийдвэр гаргасан ч уг төлөвлөгөө амжилтад хүрсэнгүй.

Ийнхүү Vitality тэмцээний финалд шалгарч MOUZ-тай тоглохоор болсон бол The MongolZ тэмцээнээ 3-4-р байраар дуусгаж $25,000 (86 сая төгрөг) доллартай өндөрлүүллээ.

• The MongolZ дэлхийн аварга Natus Vincere багийг гэрт нь буцаалаа
• The MongolZ гурван улирал дараалан ESL Pro League-ийн шигшээ шатанд шалгарлаа
• Мажорын аварга Spirit баг The MongolZ-ыг дахин нэг удаа хожлоо

Монгол залуус өмнө нь Францын багтай дөрвөн тэмцээний хүрээнд 7 map тоглохдоо нэг ч удаа map авч үзээгүй байсан юм.

The MongolZ өмнөх улиралд буюу "ESL Pro League Season 20" тэмцээний шигшээ шатанд Туркийн "Eternal Fire"-т хожигдон 9-12-р байраар тэмцээнээ дуусгаж байв. Тус тэмцээнд Украины "Natus Vincere" түрүүлсэн билээ.