Тээврийн Цагдаагийн албанаас мэдээлснээр өнөөдөр үдээс өмнө хотын гадагш чиглэсэн хөдөлгөөн эрчимжиж байсан бол одоо нийслэлийн төв рүү явах хөдөлгөөн нэмэгдэж байна гэв.

Мөн орон нутгийн замд гарсан жолооч нарыг сонор сэрэмжтэй, халтиргаа гулгаатай нөхцөл байдалд болгоомжтой зорчихыг сэрэмжлүүлж байна. Зорчих гэж байгаа аймгуудынхаа зам харгуй хаагдсан боогдсон  эсэхийг урьдчилж мэдээлэл авахаас гадна цаг агаарын байдлаа харгалзаж замд гарах, батлагдсан зам харгуйгаар зорчихыг анхаарууллаа. Хэрэв цаг агаарын хүнд нөхцөлтэй аймгуудад зорчих гэж байгаа бол бага насны хүүхэд, өндөр настай хөгжлийн бэрхшээлтэй хүмүүсийг авч явахгүй байх, түлшээ хангалттай дүүргэх, автомашиныхаа бүрэн бүтэн байдлаа шалгахыг хүслээ.  

Иргэдийг Google map болон UB traffic аппликэйшнээс авто хөдөлгөөний мэдээллээ харж сийрэг замыг сонгож хөдөлгөөнд оролцоорой гэв.

Баянзүрхийн товчоо орчмоос замын хөдөлгөөний мэдээллийг ТЦА-аас хүргэлээ.  Зүүн тийш буюу БЗД-ийн товчооноос Урган наран хороолол руу ачаалал нэмэгдсэн дүр зурагтай байна.

Эх сурвалж: ТЦА