МАН-ын Долоодугаар бага хурал Тусгаар тогтнолын ордонд 13.30 цагт эхэллээ. МАН-ын бага хурлын гишүүд 18 хоногийн дараа дахин хуралдаж байна.

Энэ удаагийн хурлаар МАН-ын дараагийн дарга болон Монгол Улсын 33 дахь Ерөнхий сайдад нэр дэвшигчийг тодруулна. Хурлын ирц 62 хувь байна. Хурлын товыг өнгөрсөн баасан гарагт МАН-ын УЗ тогтоосон юм.     

МАН-ын өмнөх бага хурал тавдугаар сарын 21-нд болж, АН-ыг гэрээгээ зөрчсөн гэдэг үндэслэлээр хамтарсан Засгийн газраас гаргах шийдвэр гаргасан юм.     

УИХ-ын гишүүн Г.Тэмүүлэн өөрийгөө заалнаас нэр дэвшүүлэв. Мөн Бага хурлын гишүүн н.Нэргүй (Хэнтий аймгийн) өөрийгөө, УИХ-ын дарга Д.Амарбаясгаланг мөн заалнаас хүн нэрийг нь дэвшүүлжээ. н.Нэргүй, Д.Амарбаясгалан нар нэрээ татсан байна. н.Нэргүй заалны эсэргүүцлээр нэрээ татсан байна.

Санал хураалт эхэлжээ. Бага хурлын гишүүдээс нэр дэвшигч Г.Занданшатар, Г.Тэмүүлэн нарын хэнийг Монгол Улсын Ерөнхий сайдад дэмжих вэ гэсэн саналын томьёолоор санал авсан байна. Нууц санал хураалтын дараа үр дүнг нээлттэй танилцуулна.     

Санал хураалтын үр дүнг МАН-ын Ерөнхий нарийн бичгийн дарга Я.Содбаатар танилцуулж байна. Тэрээр "МАН-ын долоодугаар бага хурал амжилттай болж өнгөрлөө. Монгол Улсын Үндсэн хууль, МАН-ын дүрмийн дагуу Ерөнхий сайдад томилох асуудлыг хэлэлцэв. Шинэ Ерөнхий сайдад дөрвөн хүн нэр дэвшлээ. Өнөө өглөө МАН-ын УЗ хуралдаж, Ерөнхий сайл Л.Оюун-Эрдэнийн санал болгосноор Г.Занданшатарыг 100 хувийн саналаар Ерөнхий  сайдад нэр дэвшихийг дэмжсэн юм.   

Ингээд хурал эхлэхэд заалнаас гурван хүнийг дэвшүүлээ. Хоёр нэр дэвшигч нэрээ татаж, Г.Тэмүүлэн, Г.Занданшатар нар тунаж үлдсэн. 

Г.Занданшатарыг Монгол Улсын Ерөнхий сайдад нэр дэвшүүлэх боллоо гэв. Хуралд оролцогчдын 67 орчим хувь нь Г.Занданшатарыг дэмжжээ. 

Түүнийг Ерөнхийлөгч У.Хүрэлсүхтэй зөвшилцөн, дараагийн үйл явц өрнөнө. Ерөнхийлөгчид шинэ Ерөнхий сайдын нэрийг хүргүүлнэ. Өнөөгийн үүссэн эдийн засгийн, улс төрийн нөхцөл, олон улсын болон төсвийн байдлыг хоёр нэр дэвшигчээс гишүүд дэлгэрэнгүй тодруулж асуусан, өргөн хүрээний, олон талыг хамруулсан хэлэлцүүлэг өрнүүлсэн Бага хурал боллоо гэж Я.Содбаатар дарга дүгнэв.

50 орчим гишүүн нэр дэвшигчдээс асуулт асуусны дараа  санал хураажээ. Өнөөдрийн хурлаар зөвхөн шинэ Ерөнхий сайдын томилгоог хэлэлцсэн. Шинэ Ерөнхий сайд цаашид Засгийн газрын бүтэц, бүрэлдэхүүнээ парламентад танилцуулан ажиллана гэв.  

МАН парламентад 68 суудалтай тул шинэ Ерөнхий сайдыг УИХ батална гэдэгт итгэлтэй байгаагаа Я.Содбаатар илэрхийлэв.