Эдийн засаг, хөгжлийн яам Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн төслийн олон нийтийн хэлэлцүүлгийг энэ сарын 20-ны өдөр зохион байгууллаа.

Тус хэлэлцүүлэгт Төсвийн тогтвортой байдлын зөвлөл, Үндэсний аудитын газар, Сангийн яам, Монголбанк, Олон улсын вальтын сан, ЖАЙКА, салбарын мэргэжилтнүүд, эрдэмтэн судлаачид, иргэн, иргэний нийгмийн байгууллагын төлөөллүүд оролцжээ.

Төсвийн тогтвортой байдлын зөвлөл ирэх онд ч эдийн засгийн өсөлт нам дор буюу 5 орчим хувь байна гэв.  

Мөн эдийн засгийн нөхцөл байдал, макро эдийн засгийн үндсэн үзүүлэлт, төлөв байдлын таамаглал, инфляц болон Засгийн газрын өрийн өнөөгийн нөхцөл байдал, дунд хугацааны бодлого стратегийн талаар холбогдох байгууллагын төлөөллүүд илтгэл танилцууллаа. Та олон нийтийн хэлэлцүүлгийн илтгэлүүдтэй дараах холбоосоор танилцах боломжтой.

Эдийн засаг, хөгжлийн яам дунд хугацааны төсвийн хүрээний мэдэгдлийн төслийг Төсвийн тогтвортой байдлын зөвлөлөөс ирүүлсэн макро эдийн засгийн үндсэн үзүүлэлт, төлөв байдлын таамаглалд үндэслэн боловсруулах үүрэгтэй. Мөн дунд хугацааны төсвийн хүрээний мэдэгдлийн төслийг олон нийтээр хэлэлцүүлнэ Төсвийн тухай хуульд тус тус гэж заажээ.