УИХ-ын чуулганы өнөөдрийн /2025.03.27/ нэгдсэн хуралдаанаар Засгийн газрын 3-р сарын 17-ны өдөр өргөн мэдүүлсэн “Гашуунсухайт-Ганцмод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон БНХАУ-ын Засгийн газар хоорондын хэлэлцээрийг соёрхон батлах тухай хуулийн төслийг хэлэлцэж байна.

УИХ-аар хэлэлцээрийг соёрхон баталбал хоёр улсын Засгийн газар хоорондын гэрээ, хэлэлцээрүүд эцэслэн шийдэгдэж, ААН-үүдийн харилцаанд шилжинэ. Хэлэлцээр батлагдвал төмөр зам барих тендер зарлана. Тендерийн хуулийн хугацаа 30 хоног. Сарын хугацаанд гүйцэтгэгчийг сонгон шалгаруулж, төмөр замын хил холболтын бүтээн байгуулалтын ажил эхэлнэ.

Бүтээн байгуулалтыг 1.9 жилийн хугацаанд гүйцэтгэж, 2027 оноос төмөр зам холбогдон, ашиглалтад орно гэж Зам тээврийн сайд Б.Дэлгэрсайхан мэдээлэв.