“Оюу толгой” 2024 оны дөрөвдүгээр улирлын тайлангаа өнөөдөр танилцуулав.

Гүний уурхайн хөндлөн нэвтрэлтийг хийсээр байна. Гүний уурхайн бүтээн байгуулалт дуусахгүй, энэ ажил байнга үргэлжлэх юм.

Гүний уурхайн хөндлөн нэвтрэлтийг нэг сард 1500 метр байхаар зорьжээ. Одоогоор гүний уурхай нийт 15752 метр урт болжээ.

Гүний уурхайн Панел 0 олборлолтын түвшинд нийт 124 хүдэр буулгуурыг нээж, дөрөвдүгээр улиралд 4 хүдэр буулгуурыг ашиглалтад оруулсан байна. Энэ улиралд гүний уурхайгаас 1.96 хувийн дундаж зэсийн агуулгатай 2.1 сая тонн хүдэр, ил уурхайгаас 0.43 хувийн дундаж агуулгатай 8.9 сая тонн хүдэр боловсрууллаа.

2023 оны дөрөвдүгээр улиралтай харьцуулахад зэсийн үйлдвэрлэл 63 хувиар өссөн нь гүний уурхайд үйлдвэрлэл эрчимжиж, хүдрийн агуулга нэмэгдсэнтэй холбоотой.