Эдийн засгийн форумын хоёр дахь өдрийн хуралдааныг УИХ-ын дарга Д.Амарбаясгалан нээв. Тэрээр парламентын даргын хувьд ирэх дөрвөн жилд эдийн засгийн орчинд ямар бодлого баримтлан ажиллахаа танилцууллаа.

УИХ-ын дарга Д.Амарбаясгалан “УИХ хууль, тогтоолн батлахдаа тухайн салбарын мэргэжлийн байгууллагын саналыг заавал авдаг, тусгадаг болно. Салбарын дуу хоолойг сонсдог байх нь чухал. Хөрөнгө оруулагчдын өмч хөрөнгийг хамгаалж, чирэгдлийг бууруулна. Хоёрдмол утгатай, тодорхойгүй хуулийн заалтуудыг засна. Хувь хүний нөлөө, үзэмжээр шийдвэр гаргадаг байж болохгүй. Бизнесийн орчны дарамтыг багасгах, төрийн өмчит ААН-үүдийн тоог бууруулахад анхаарна. Хувийн хэвшлийг дэмжсэн хуулийн орчин бүрдүүлнэ. Гурил, цементийн үнийг хэдхэн ААН тогтоож ирсэн тул эдгээр бүтээгдэхүүний импортын татварыг тэглэсэн” гэсэн юм.