Баяр наадам, аялал зугаалгын улирал дуусах хараахан болоогүй байна. Зуны дэлгэр цагт монголчууд шарсан хуурсан мах, хорхог боодог их хэрэглэдэг, үүний араас хүйтэн ус, хийжүүлсэн ундаа, архи согтууруулах ундаа уудаг нь ходоод гэдсийг хямрааж, хоол боловсруулах замын өвчин эмгэг үүсэх шалтаг шалтгаан болдог. Энэ үед эрүүл мэндээ хэрхэн хамгаалж, хянах талаар “УБ-Сонгдо” эмнэлгийн Багц шинжилгээний тасгийн эмч Б.Мишээлийн зөвлөгөөг хүргэж байна.  

-Амралт зугаалгын энэ улиралд эрүүл мэндээ хянах ямар үзлэг, шинжилгээ иргэдэд илүү тохиромжтой бол?  
-“УБ Сонгдо” эмнэлэг үйлчлүүлэгчдэдээ эрүүл мэндийн урьдчилан сэргийлэх олон төрлийн багц шинжилгээг санал болгодог. Тэдгээрээс “Наадмын дараах Хоол боловсруулах эрхтний багцыг” онцолж танилцуулмаар байна. Аялал зугаалгын улиралд монголчууд мах ихтэй, шарсан хуурсан махтай хүнд хоол түгээмэл хэрэглэдэг. Хоолны зохисгүй хэрэглээг дагаад энэ үед хоол боловсруулах замын эмгэг ихэсдэг.  

-Хоол боловсруулах эрхтний багцад ямар шинжилгээнүүд багтаж байгаа вэ?  
-Амралт, зугаалгын дараа хийлгэхэд тохиромжтой Хоол боловсруулах эрхтэний багцад цусны шинжилгээ, элэг, бөөрний үйл ажиллагаа,  нойр булчирхайн фермент, элэгний вирусийн шинжилгээ, ходоодны дуран, хэвлийн ЭХО, цээжний рентген зураг, зүрхний цахилгаан бичлэгийн шинжилгээ багтаж байна. Эдгээр шинжилгээг хийлгэснээр эхний шатанд хоол боловсруулах эрхтэний анхан шатны өвчин эмгэгийг илрүүлэх, эмгэг байвал эрт үед нь оношилж, эмчлэх зорилготой юм.  

Хэрэв үйлчлүүлэгч хүсвэл илүү нарийвчилсан шинжилгээ өгөх боломжтой. Ходоод, бүдүүн гэдэсний дурангийн оношилгоо болон  хэвлийн компьютер томографийн шинжилгээг тодосгогчтойгоор хийлгэх боломжтой шинжилгээний багцууд ч бий. 

Эдгээр шинжилгээг хийлгэснээр эхний шатанд хоол боловсруулах эрхтэний анхан шатны өвчин эмгэгийг илрүүлэх, эмгэг байвал эрт үед нь оношилж, эмчлэх зорилготой юм.   

-Зуны цагт монголчуудын түгээмэл хэрэглэдэг шарсан хуурсан махан хоол, хорхог боодог зэрэг нь эрүүл мэндэд ямар эмгэг үүсгэж болох вэ?  
-Шарсан хуурсан махан хоол, хорхог боодог зэрэг өөх тос ихтэй хүнд хоолны дараа хоолоо шингээх зорилгоор хүйтэн ус, хийжүүлсэн ундаа уух, архи согтууруулах ундаа хэрэглэдэг нь буруу  юм. Үүнтэй холбоотойгоор хоол боловсруулах эрхтэний нийтлэг шинж тэмдэг болох гэдэс дүүрэх, хэвлий орчмоор цанхайх, өвдөх, хоолны шингэц муудах, дотор муухайрах, огиж бөөлжих, гүйлгэх, суулгах зэрэг шинж тэмдэг илэрч болно. Энэ үед Хоол боловсруулах эрхтний багц шинжилгээнд хамрагдвал илүү тохиромжтой.  

Хүнд хооллолт, буруу зуршлаас болж ходоод гэдэсний хямрал, элэгний үрэвсэл, нойр булчирхайн цочмог үрэвсэл, цөсний хүүдийн цочмог үрэвслээр өвчлөх эрсдэлтэй. Цөсний чулуутай хүн гэнэт хүнд хоол идэх, хооллолтын дэглэм алдагдсан тохиолдолд цочмогоор өвдөх магадлалтай. Эдгээр өвчнөөс сэргийлэхийн тулд зөв хооллолт л чухал.  

Эдгээр шинжилгээг хийлгэснээр эхний шатанд хоол боловсруулах эрхтэний анхан шатны өвчин эмгэгийг илрүүлэх, эмгэг байвал эрт үед нь оношилж, эмчлэх зорилготой юм.  

Хооллолтын дэглэм алдагдсан тохиолдолд хөгшин, залуу ялгаагүй аль ч насныхан дээрх эмгэгүүдээр өвчлөх эрсдэлтэй.  
Тиймээс нэг дор мах ихтэй хоол хэт их идэхгүй байх, бага багаар ойр ойрхон идэх, жимс, ногоо зэрэг хөнгөн хоол мөн хэрэглэж байгаарай. Мөн хоолны дараа шууд хүйтэн юм уух, айраг цагаа, саам уухдаа зохистой хэмжээг барихыг зөвлөмөөр байна.  
 
-Эрүүл мэндийн урьдчилан сэргийлэх багц шинжилгээний давуу тал нь юу вэ? 
-“УБ-Сонгдо” эмнэлэг 2008 онд Монголд анх удаа эрүүл мэндийн урьдчилан сэргийлэх багц шинжилгээг нэвтрүүлснээс хойш 16 дахь жилдээ энэ үйлчилгээг тасралтгүй үзүүлсээр байна. Багц шинжилгээний давуу тал нь өөр өөр эмнэлэгт хандаж түүвэрлэж оношилгоо шинжилгээг хийлгэхээс нэгдүгээрт үнэ нь хямд, хоёрдугаарт нэг өдөрт нэг дор олон шинжилгээг хийдэг  тул үйлчлүүлэгчийн цагийг хэмнэнэ.  

Зөвхөн хоол боловсруулах замын эмгэгээс гадна манай эмнэлэгт урьдчилан сэргийлэх үзлэг, оношилгооны олон төрлийн багц шинжилгээ байдаг. Хүмүүс өөрийн ажил мэргэжлийн онцлог болон хүсэл сонирхлын дагуу хамгийн багадаа жилдээ нэг удаа эрүүл мэндийн урьдчилан сэргийлэх үзлэгт хамрагдаж, эмчийн зөвлөгөө авч биеийн ерөнхий байдлаа хянаж байх нь ямар нэг өвчин эмгэгт нэрвэгдэхээс сэргийлэх ач холбогдолтой. Та өмнө нь үзүүлж, хянуулж байгаагүй бол манай эмнэлгээс ходоод, бүдүүн гэдэсний дурангийн оношилгоо, үзлэг багтсан багц шинжилгээг хийлгэхийг түлхүү санал болгох байна.  



-Зөвлөгөө өгсөн Танд баярлалаа.