Гадаад харилцааны яамны Консулын газрын дэд захирал Т.Бат-Орших Швейцарын Холбооны Улсаас Монгол Улсад суух Өргөмжит консул Б.Лакшмид энэ сарын 30-ны өдөр ГХЯ-нд экзекватурыг гардуулан өгөв.

Консулын газрын дэд захирал Т.Бат-Орших шинээр томилогдсон Өргөмжит консул Б.Лакшмид ажлын амжилт хүсээд Монгол, Швейцарын хоёр талын харилцаа болон худалдаа, аялал жуулчлал, соёлын салбар дахь хамтын ажиллагааг өргөжүүлэх чиглэлээр идэвх санаачилгатай ажиллахыг хүсэв гэж ГХЯ-наас мэдээлэв.

Эдийн засагч Б.Лакшми Өрсөлдөх чадварын бодлогын судалгааны төвийг ахлан ажилладаг.