Дэлхийн эмэгтэйчүүдийн чуулга уулзалт энэ сарын 22-23-ны өдрүүдэд Төрийн ордонд болж байна. Уулзалтын үр дүнгийн талаар Гадаад харилцааны сайд Б.Батцэцэг, НҮБ-ын Ерөнхий нарийн бичгийн даргын орлогч Амина Мохаммед нар танилцуулж, мэдэгдэл хийлээ.
Гадаад харилцааны сайд Б.Батцэцэг, Ногоон хөгжлийн төлөө уриатай Дэлхийн эмэгтэйчүүдийн чуулга уулзалт амжилттай болж байна. Монгол Улс Нэгдсэн үндэстний байгууллага /НҮБ/-д элссэн цагаасаа эхлэн хүйсийн тэгш харилцааг тэнцвэртэй хадгалах, эмэгтэйчүүдийг чадавхжуулах олон улсын санал, санаачилгыг тууштай дэмжиж ирсэн.
Чуулга уулзалтаар нийгэмд тулгамдаж буй асуудлыг шийдвэрлэхэд эмэгтэйчүүдийн оролцооны талаар хэд хэдэн салбар хуралдааныг зохион байгууллаа. Эдгээрийн үр дүнд тулгуурлан “Тогтвортой ирээдүйн төлөө Улаанбаатарын тунхаглал”-ыг гаргаж байна.
Монгол Улс нь энхийг эрхэмлэсэн нээлттэй олон тулгуурт гадаад бодлогоо тууштай баримталдаг, аливаа улс орны түүх, соёл, үндэсний язгуур эрх ашиг, хөгжлийн замналыг хүндэтгэсэн олон ургалч үзлийг дэмждэг улсын хувьд эмэгтэйчүүдийг чадавхжуулах, хүйсийн тэгш харьцааг хадгалах асуудлаар олон улсын бусад арга хэмжээг цаашид ч үргэлжлэн зохион байгуулна гэдгийг илэрхийлье хэмээв.
НҮБ-ын Ерөнхий нарийн бичгийн даргын орлогч Амина Мохаммед, Энэхүү арга хэмжээ нь ирэх жил зохион байгуулагдах "Бээжин +30" арга хэмжээний өмнө болж буйгаараа их ач холбогдолтой. Таван жилийн өмнө дэлхийн өнцөг булан бүрээс ирсэн эмэгтэйчүүд Нью-Йорк хотноо "Бээжин +25" уулзалтад оролцохоор бэлтгэж байсан ч ковид цар тахлын том сорилтой тулгарсан.
Түүнээс хойш дайн, зэвсэгт мөргөлдөөнүүд, уур амьсгалын өөрчлөлтийн хурцадмал байдал зэрэг нь улс орнуудын өмнө тулгамдсан асуудал боллоо.
Бид дэлхий нийтээрээ замын уулзвар дээр ирсэн мэт байна. Дөрвөн долоо хоногийн дараа дэлхийн удирдагчид НҮБ-д чуулж, Ирээдүйн асуудлаарх дээд хэмжээний чуулга уулзалтад оролцоно. Энэ уулзалтаар дээрх сорилтуудыг даван туулахад ямар арга хэмжээ авч хэрэгжүүлэх шаардлагатайг хэлэлцэх боломжтой.
Тогтвортой хөгжлийн зорилгууд нь бидний ахиц дэвшлийн төлөвлөгөө учир үүнийг биелүүлэхийн тулд тууштай, хамтын ажиллагаагаа өргөжүүлж байж, тодорхой үр дүнд хүрнэ гэв.
Дэлхийн эмэгтэйчүүдийн чуулга уулзалт энэ сарын 22-23-ны өдрүүдэд Төрийн ордонд болж байна. Уулзалтын үр дүнгийн талаар Гадаад харилцааны сайд Б.Батцэцэг, НҮБ-ын Ерөнхий нарийн бичгийн даргын орлогч Амина Мохаммед нар танилцуулж, мэдэгдэл хийлээ.
Гадаад харилцааны сайд Б.Батцэцэг, Ногоон хөгжлийн төлөө уриатай Дэлхийн эмэгтэйчүүдийн чуулга уулзалт амжилттай болж байна. Монгол Улс Нэгдсэн үндэстний байгууллага /НҮБ/-д элссэн цагаасаа эхлэн хүйсийн тэгш харилцааг тэнцвэртэй хадгалах, эмэгтэйчүүдийг чадавхжуулах олон улсын санал, санаачилгыг тууштай дэмжиж ирсэн.
Чуулга уулзалтаар нийгэмд тулгамдаж буй асуудлыг шийдвэрлэхэд эмэгтэйчүүдийн оролцооны талаар хэд хэдэн салбар хуралдааныг зохион байгууллаа. Эдгээрийн үр дүнд тулгуурлан “Тогтвортой ирээдүйн төлөө Улаанбаатарын тунхаглал”-ыг гаргаж байна.
Монгол Улс нь энхийг эрхэмлэсэн нээлттэй олон тулгуурт гадаад бодлогоо тууштай баримталдаг, аливаа улс орны түүх, соёл, үндэсний язгуур эрх ашиг, хөгжлийн замналыг хүндэтгэсэн олон ургалч үзлийг дэмждэг улсын хувьд эмэгтэйчүүдийг чадавхжуулах, хүйсийн тэгш харьцааг хадгалах асуудлаар олон улсын бусад арга хэмжээг цаашид ч үргэлжлэн зохион байгуулна гэдгийг илэрхийлье хэмээв.
НҮБ-ын Ерөнхий нарийн бичгийн даргын орлогч Амина Мохаммед, Энэхүү арга хэмжээ нь ирэх жил зохион байгуулагдах "Бээжин +30" арга хэмжээний өмнө болж буйгаараа их ач холбогдолтой. Таван жилийн өмнө дэлхийн өнцөг булан бүрээс ирсэн эмэгтэйчүүд Нью-Йорк хотноо "Бээжин +25" уулзалтад оролцохоор бэлтгэж байсан ч ковид цар тахлын том сорилтой тулгарсан.
Түүнээс хойш дайн, зэвсэгт мөргөлдөөнүүд, уур амьсгалын өөрчлөлтийн хурцадмал байдал зэрэг нь улс орнуудын өмнө тулгамдсан асуудал боллоо.
Бид дэлхий нийтээрээ замын уулзвар дээр ирсэн мэт байна. Дөрвөн долоо хоногийн дараа дэлхийн удирдагчид НҮБ-д чуулж, Ирээдүйн асуудлаарх дээд хэмжээний чуулга уулзалтад оролцоно. Энэ уулзалтаар дээрх сорилтуудыг даван туулахад ямар арга хэмжээ авч хэрэгжүүлэх шаардлагатайг хэлэлцэх боломжтой.
Тогтвортой хөгжлийн зорилгууд нь бидний ахиц дэвшлийн төлөвлөгөө учир үүнийг биелүүлэхийн тулд тууштай, хамтын ажиллагаагаа өргөжүүлж байж, тодорхой үр дүнд хүрнэ гэв.