Нийслэлд хурд хэтрүүлсний улмаас осол, эндэгдэл их гардаг цэгүүдийг Сонгинохайрхан дүүргээр дамжин баруун аймаг зорчдог зам, Эмээлт, Товчоо орчмын замууд тэргүүлжээ. 

Эхний ээлжид хяналтын камерыг нэмэх, хурд хэмжигч байршуулах, явган зорчигчдын гарцын тэмдэг тэмдэглэгээ, гэрэлтүүлгийг сайжруулах, хайс байршуулна.
 
Хурд хэмжигч камерууд нь нэг цэгт хурд хэмжихээс гадна дараалсан цэгүүдэд ажиллана. Автомашины хөдөлгөөний дундаж хурдыг хэмжих буюу жолооч эхний хурд хэмжигч цэгт хурдаа хассан ч дараагийн хэмжигч хүртэл хурд хэтрүүлэх боломжгүй болох юм.

Энэ онд зам тээврийн осол, эндэгдлийг бууруулах чиглэлд Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлтэй хамтран олон ажил зохион байгуулахаар төлөвлөжээ.