Диспетчерийн үндэсний төвөөс өнөөдөр /2026.01.22/ эрчим хүчний хангамжийн талаарх мэдээлэл өгч байна.



Тус төвийн ерөнхий диспетчер Б.Баатар, Өнөөдрийн 12.00 цагийн байдлаар 1700МВт-ын эрчим хүч үйлдвэрлэж байна. Үүний 1100 орчим МВт-ыг Улаанбаатар хотын хэрэглэгчдэд, 600МВт-ыг орон нутгийн хэрэглээнд түгээж байна.

1-р сарын 20-ны өглөө ДЦС-4-т гарсан гэмтлийг засаж, өчигдөр 10.00 цагийн байдлаар хэвийн ажиллагаанд оруулснаар гэмтэл гарсан найдугаар зуух 670МВт буюу бүрэн ачаалал авч ажиллаж байна. Эрчим хүчний салбар нөөц тоноглолгүй, ямар нэг гэмтэл гарвал хэрэглээг хязгаарлахаас өөр аргагүй нөхцөлд ажиллаж буй юм.

Огцом хүйтэрсэнтэй холбоотойгоор Бөөрөлжүүтийн цахилгаан станцад нүүрсний чийгшилтэй холбоотой доголдол гарсан. Тус станц 300МВт эрчим хүч үйлдвэрлэх хүчин чадалтай ч 12.00 цагийн байдлаар 140МВт-ын ачаалал авч байна.

Одоогийн байдлаар 50МВт-ын хязгаарлалт хийгээд байна. Энэ хүрээнд Дархан, Сэлэнгэ, Төв аймгийн зарим суманд хуваарийн дагуу цахилгааны хязгаарлалт хийгээд байна гэв.

Нэг айлын эрчим  хүчний дундаж  хэрэглээг 4-5КВт гэж тооцвол 50МВт нь дунджаар 12 мянга гаруй айлын цахилгааны хэрэглээ гэсэн үг юм байна.