Нийслэлийн Хан-Уул дүүргийн 1-р хорооны Тэмээтэй хөшөөний уулзварыг шинэчлэх зам засварын ажил хийж байна. Мөн 100 айлаас Дарь-Эхийн уулзвар хүртэлх авто зам, Бөхийн өргөөний уулзвараас Натурын зам хүртэлх замыг шинэчилж байна.

Ташрамд сануулахад, Энхтайвны гүүрээс тэмээтэй хөшөөний уулзвар хүртэлх авто замыг өнгөрсөн аравдугаар сард зассан. Гэвч зам тэгш бус, долгион үүссэн.

Шөнийн цагаар зам засах хугацаанд цас орсон тул долгион үүссэн. Тиймээс гүйцэтгэгч байгууллага буюу “Трүйроад” компани өөрсдийн хөрөнгөөр дахин засварын ажлыг үргэлжлүүлнэ гэж Нийслэлийн Замын хөгжлийн газрын дарга Б.Одбаяр мэдэгдсэн.

“Трүйроад” компанийн ерөнхий инженер Ж.Мөнхсүх, Аравдугаар сард цаг агаар дулаан, хучилт хийх боломжтой байвал бид авто замыг засварлах бүрэн боломжтой. Хэрэв цаг агаар хасах градусд орвол технологи алдагдах учраас бид хучилт хийх боломжгүй гэж байв.