Фэйсбүүк хуудаснаа "I pad air 4, I Phone 16 promax загварын гар утас зарна” гэх зар тавьсан иргэн дээрэмдүүлсэн тухайгаа олон нийтэд мэдээлжээ. 

Уг мэдээллийн дагуу Цагдаагийн байгууллагаас шалгалтын ажиллагаа эхлүүлсэн ба зарын дагуу ирсэн 26-28 насны бүлэг таван этгээд 20 настай иргэн Б-г автомашинд суулган, хутга тулган дээрэмдсэн байж болзошгүй нь тогтоогдсон. 

Дээрх этгээдүүдийг Чингэлтэй дүүргийн нутаг дэвсгэрт байрлах дэн буудлаас олж тогтоон цагдан хорих таслан сэргийлэх арга хэмжээ авлаа. 

Шалгалтаар сэжигтэй этгээдүүд нь энэ оны 9, 10-р сард Сүхбаатар, Чингэлтэй, Сонгинохйархан дүүргийн нутаг дэвсгэрт дөрвөн удаагийн үйлдлээр дээрэмдэх гэмт хэрэг үйлдсэн болохыг тогтоон мөрдөн шалгах ажиллагааг үргэлжлүүлэн явуулж байна гэж ЦЕГ-аас мэдээллээ.