УИХ-ын дарга Д.Амарбаясгалан 9-р сарын 4-7-ны өдрүүдэд Бүгд найрамдах Казахстан улсад албан  ёсны айлчлал хийлээ. Айлчлалын сурвилжилгаас гадна тус улсын бодлого шийдвэртэй холбоотой зарим мэдээллээс хуваалцъя.

Тус улсын шинэ нийслэл Астана хот 1998 онд байгуулагдсан. Астана хотын ерөнхий төлөвлөлтөд орон сууцны хороолол бүхэн цэцэрлэг, сургууль, эмнэлэгтэй байхаар тусгасан. Ерөнхий боловсролын сургуулийн нэг зураг төсөл стандарт гаргаж, тэр стандартын дагуу хотын бүх хороолол яг адилхан сургуультай болсон байна.

Казахстан улсын Засгийн газар авлига, албан тушаалын гэмт хэргээс хураасан мөнгийг боловсрол, эрүүл мэндийн салбарт зарцуулна гэж мэдэгджээ. Тус улс 2024 онд 129 сургууль ашиглалтад оруулжээ. Үүний 51 хувийг авлигаас хураасан мөнгөөр барьсан гэж 2024 оны 12-р сард тайлагнасан байна.

2025 онд Казахстан улсын хэмжээнд 149 сургууль байгуулах ерөнхий төлөвлөгөө гаргасан. Үүний хэдэн хувийг авлигаас хураасан мөнгөөр барьснаа засгийн газар нь олон нийтэд тайлагнах юм байна.