Хангайн бүсийн байгалийн унаган төрхийг хадгалах, доройтсон экосистемийг нөхөн сэргээх замаар орон нутгийн иргэдийн амьдралын чанарыг дээшлүүлэх зорилготой томоохон төслийн 2026 онд хэрэгжүүлэх арга хэмжээний төлөвлөгөөг баталжээ.

Даян Дэлхийн Байгаль Орчны Сангийн санхүүжилтээр НҮБ-ын Хүнс, Хөдөө Аж Ахуйн Байгууллага болон Байгаль орчин, уур амьсгалын өөрчлөлтийн яам хамтран төслийг хэрэгжүүлэх юм.

"Хангай бүсийн уулын ландшафтыг нөхөн сэргээж, хамгаалах замаар экосистемийн үйлчилгээ болон орон нутгийн иргэдийн амьжиргааг сайжруулах” төсөл нь 2030 онд хүртэл Архангай, Баянхонгор, Өвөрхангай аймгийн 8 суманд хэрэгжинэ.

Энэ хугацаанд нийт 20.000 га бэлчээр, 3800 га ойг нөхөн сэргээх, аймаг, сумдын газар зохион байгуулалтын нэгдсэн төлөвлөлтийг сайжруулах, тусгай хамгаалалттай газар нутгийн менежментийг бэхжүүлэх, тогтвортой санхүүжилт, хөрөнгө оруулалтыг нэмэгдүүлэх ажлыг хийж гүйцэтгэх юм.

Эх сурвалж: БОУАӨЯ