Netflix-ийн "Physical Asia" шоуны оролцогчид оролцсон, нийт дөрвөн дугаараас бүрдсэн Physical: "Welcome to Mongolia" нэвтрүүлгийн эхний хоёр дугаар өнөөдрөөс үзэгчдийн хүртээл болно.

Тодруулбал, нэвтрүүлгийн эхний дугааруудыг өнгөрсөн сарын 24-нөөс эхлэн зөвхөн БНСУ-д цацаад байсан юм. Харин өнөөдрөөс дэлхийн бүх орны үзэгчид үзэх боломжтой болж байна.

Нэвтрүүлэгт Монголын багийн ахлагч Б.Орхонбаяр, Солонгосын багийн ахлагч Ким Дон Хён, Солонгосын багийн Амотти, Монголын багаас Э.Лхагва-Очир нар оролцжээ.