УИХ дахь МАН-ын бүлгийн ээлжит бус хурал өнөөдөр 18.00 цагт эхэллээ. Хурлаар 30, 38 гишүүнтэйгээр хуваагдаад буй тус бүлгийг нэгтгэх, бүлгийн даргыг албан ёсоор томилох асуудлыг хэлэлцэхээр төлөвлөжээ.

Ерөнхий сайд Г.Занданшатарын талыг баримталж байр сууриа илэрхийлж буй 38 гишүүн хуралдаж, бүлгийн даргаараа УИХ-ын гишүүн Ж.Батжаргалыг томилон үйл ажиллагаа явуулж байна.

УИХ-ын гишүүн Ж.Батжаргалыг тус бүлэг олонхоороо хэлэлцэн батлаагүй бөгөөд бүлгийн даргын тамгаа ч хүлээн аваагүй юм. Тиймээс УИХ-д олонхийг бүрдүүлж буй эрх баригч МАН юуны өмнө бүлгээ нэгтгэж, даргаа албажуулна.

Мөн 2026 оны Улсын төсвийн хэлэлцүүлгүүдийг үргэлжлүүлж, 11-р сарын 15-наас өмнө улсын төсвийг батлах хуулийн шаардлага тулгараад буй юм. 

МАН-ын Удирдах зөвлөл өнөөдөр хуралдаж, томилгоотой холбоотой дараах асуудлуудыг шийдвэрлэжээ. Бүлгийн хуралд 30, 38-аараа хуваагдаад байсан олонхийн бүлгийн гишүүд бүгд оролцож, нэгдсэн шийдвэр гаргасан байна. Олонхийн бүлэг цаашид 68-уулаа хуралдахаар ойлголцжээ.

МАН-ын Ерөнхий нарийн бичгийн дарга Я.Содбаатар, УИХ дахь МАН-ын даргаас Ж.Бат-Эрдэнийг чөлөөлж, УИХ-ын гишүүн Ж.Батжаргалыг томиллоо. УИХ-ын дэд дарга Х.Булгантуяаг чөлөөлж, дэд даргаар МАН-ын бүлгийн даргаар ажиллаж байсан Ж.Бат-Эрдэнийн нэрийг дэвшүүлж байна.

МАН-ын Удирдах зөвлөл өнөөдөр хуралдаж, УИХ-ын тухай хуулийн дагуу энэ асуудлыг хэлэлцэж бүлгийн гишүүдийн олонхийн саналаар шийдвэрлэлээ.