Монгол Улсыг 2026-2030 онд хөгжүүлэх таван жилийн үндсэн чиглэлийг Засгийн газар УИХ-д танилцуулан батлуулсан.

Эрчим хүчний салбарын шинэтгэлийн хүрээнд ирэх таван жилд дараах ажлуудыг хийнэ гэв. 

• Тавантолгойн цахилгаан станц, V ДЦС, бусад эх үүсвэрүүдийг өргөтгөснөөр Монгол Улсын эрчим хүчний нийт суурилагдсан хүчин чадал 4168 МВт хүрнэ. 
• 220 кВ-ын 764.4 км ЦДАШ байгуулна. 
• “Улаанбаатар хот орчмын цахилгаан дамжуулах, түгээх сүлжээний өргөтгөл шинэчлэлтийн төсөл”-ийг хэрэгжүүлнэ. Энэ төслийн төсөвт өртөг 3.5 их наяд төгрөг бөгөөд гадаадын зээл тусламжаар хэрэгжүүлнэ. 

Ингэснээр Улаанбаатарт 500 кВ-ын хоёр дэд станц, 500 кВ-ын ЦДАШ-ууд, бусад цахилгаан дамжуулах, түгээх шугам, дэд станцууд барвж, олон мянган хэрэглэгчдийг цахилгаанаар найдвартай хангана.

Мөн эрчим хүчний зах зээлийн 10 хувийг 2030 он гэхэд либералчилж, чөлөөт, өрсөлдөөнтэй, бөөний зах зээл рүү шилжүүлэхээр төлөвлөжээ. 

Ногоон, цэвэр эрчим хүчийг бодлогоор дэмжиж, яваандаа эрчим хүч экспортлогч орон болно гэж Таван жилийн үндсэн чиглэлд тусгасан байна.