• Aфрик тивийн аварга шалгаруулах тэмцээний шигшээ 16 шатны тоглолтууд үргэлжилж байна
• Нигери 1-0 Ангол: Үзэх
• Ардчилсан Конго 3-1 Гвиней: Үзэх

Африкийн хөл бөмбөгийн холбооноос зохиодог тивийн аварга шалгаруулах тэмцээн "Africa Cup of Nations" буюу "AFCON 2023"-ын шөвгийн наймын тоглолтууд өнгөрсөн шөнө эхэллээ.

Шөнийн эхний тоглолт "Супер бүргэдүүд" хочит Нигери улсын шигшээ баг болон энэ жил тун сайн тоглож буй Анголын шигшээ багийн хооронд болов. Тоглолтын эхний үе шувтрах үед буюу 41 дэх минутад Нигеригийн шилдэг довтлогч Адемола Лүүкмэн гоол оруулсан бөгөөд дахин гоол оролгүй 90 минут өндөрлөснөөр Нигеричүүд шөвгийн дөрөвт шалгарлаа. Тивийнхээ гурван удаагийн аварга тэд энэ амжилтаа дөрөв болгохыг зорьж байна. Тэд дараагийн шатанд Өмнөд Африк болон Кабо Верде улсуудын хожсонтой тоглоно.

• Өмнөд Африкийн шигшээ баг дэлхийн аваргын 4-р байр Марокког Африкийн цомоос хаслаа
• Цомыг хамгаалагч Сенегалын шигшээ баг талбайн эздэд хожигдож нутаг буцлаа
• Мохамед Салахгүй Египетийн шигшээ баг Конгод хожигдсоноор Африкийн цомоос хасагдлаа

Харин түүний дараа Африк тивийн хоёр удаагийн аварга Ардчилсан Конго Гвинейн шигшээ багтай тоглов. Гоолын салхийг Гвинейгээс хагалж 20 дхь минутад Мохамед Баяо торгуулийн цохилтоос гоолдсон. Гэвч Конгочууд 27, 65, 82 дахь минутад тус тус гоолдсоноор 3-1 харьцаагаар хожиж хагас шигшээд шалгарлаа. Тэд шөвгийн дөрөвт Мали болон Кот д'Ивуарын хожсонтой тоглоно.

МЭРГЭН БУУЧИД:

1. Эмилио Нсүэ /Экваторын Гвиней/ - 5 гоол
2. Желсон Дала /Ангол/ - 4 гоол
3. Мостафа Мохамед /Египет/ - 4 гоол
4. Адемола Лүүкмэн /Нигери/ - 3 гоол
5. Багдад Бунеджах /Алжир/ - 3 гоол
6. Бертранд Траоре /Буркина Фасо/ - 3 гоол
7. Лассин Синаёоко /Мали/ - 3 гоол
8. Мабулулу /Ангол/ - 3 гоол
9. Мохамед Баяо /Гвиней/ - 3 гоол

ГООЛЫН ДАМЖУУЛАЛТААР ТЭРГҮҮЛЭГЧИД:

1. Фреди /Ангол/ - 3 дамжуулалт
2. Жоржес-Кевин Нкуду /Камерун/ - 3 дамжуулалт
3. Хосе Мачин /Экваторын Гвиней/ - 3 дамжуулалт
4. Садио Мане /Сенегал/ - 3 дамжуулалт
5. Измайла Сарр /Сенегал/ - 2 дамжуулалт
6. Камори Думбиа /Мали/ - 2 дамжуулалт
7. Трезегэ /Египет/ - 2 дамжуулалт