Украины Ерөнхийлөгч Володимир Зеленський “Мөргөлдөөнийг зогсоохын тулд буулт хийхэд бэлэн байгаа”-гаа дахин мэдэгдлээ. Тэрбээр "Зөвхөн хоёр орны Ерөнхийлөгч нар биечлэн уулзаж байж л дайн дуусах боломжтой" гэж онцолж байна.

Түүнчлэн Украины Ерөнхийлөгчийн Тамгын газрын дэд дарга “Украины тал төвийг сахисан байр суурийг баримтлах ОХУ-ын шаардлагыг хэлэлцэхэд бэлэн байгаа” гэж мэдэгдлээ. Хэдий тийм боловч тэрбээр “ОХУ-ын тал аюулгүй байдлын баталгаа өгөх ёстой. ОХУ-д газар нутгаасаа өгөхгүй” гэсэн байна.

Он гарсаар рублийн ханш 40 орчим хувиар унаад байгаа юм.

Барууны орнуудын тавьсан хоригуудын улмаас ОХУ-ын инфляц сүүлийн 20 гаруй жилийн дээд түвшинд хүрэхээр байна. ОХУ-ын цэргүүд Украинд халдсанаас хойших эхний долоо хоногт хэрэглээний үнэ 2.2 хувиар өсөөд байгааг ОХУ-ын Статистикийн хороо мэдээллээ. Энэ нь 2008 оноос хойш буюу анх тооцоолж эхэлснээс хойших дээд үзүүлэлт болж байна. Тухайлбал: өмнөх дээд үзүүлэлтээс хоёр дахин өндөр үзүүлэлт болжээ.

ОХУ-д үйлдвэрлэсэн автомашины үнэ 17 хувиар, харин зурагтын үнэ 15 хувиар өссөн байна. Он гарсаар рублийн ханш 40 орчим хувиар унаад байгаа юм.

ОХУ-ын инфляц долоодугаар сард оргилдоо хүрч, жилийн дүнгээр 19 хувиар өснө гэж “Bloomberg”-ийн шинжээчид тооцоолсон байна.

М.Аминаа