Тулгар төрийн 2232, Их Монгол Улсын 817, Үндэсний эрх чөлөө, тусгаар тогтнолоо сэргээн мандуулсны 112, Ардын хувьсгалын 102 жилийн ойн Үндэсний их баяр наадмын хурдан шүдлэн насны морьд барианы зурхайд орж ирлээ. 

Залруулга: Шүдлэн насны морьдын уралдааны түрүү, аман хүзүү хоёр их ойрхон давхиж орсон бөгөөд тухайн мөчид "Түрүү магнайд Дундговь аймгийн Луус сумын харьяат уяач Эрдэнээгийн Улаанхүүгийн хар шүдлэн түрүүллээ" гэж хөтлөгч, тайлбарлагч нар мэдээлсэн. Харин морьд барианд орсны дараа Хурдан морины салбар хорооныхон зураг, бичлэг ухраан үзэж, Э.Улаанхүүгийн уясан хар шүдлэн аман хүзүүдсэн гэж үзжээ. 

Ховд аймгийн Мянгад сумын уяач З.Мэндсайханы шарга халзан шүдлэн Түрүү магнай болжээ. Аман хүзүүнд Дундговь аймгийн Луус сумын харьяат уяач Эрдэнээгийн Улаанхүүгийн уясан, Улаанбаатар хотын Сонгинохайрхан дүүргийн уяач Б.Пунцагжбалжирын хар шүдлэн орсон байна. 

Тайлбар: /2023.07.11-ний 11.30 цагт/ Уяач З.Мэндсайхан хар шүдлэн түрүүлсэн, өөрийнх нь шарга шүдлэн аман хүзүүдсэн гэж үзэж Хурдан морины салбар хороонд шийдвэрээ эргэн харах тухай хүсэлт хүргүүлжээ. Хүсэлтийн дагуу Хурдан морины салбар хороо хуралдаж, Э.Улаанхүүгийн уясан хар шүдлэн Ховд аймгийн Мянгад сумын уяач З.Мэндсайханы шарга халзан шүдлэн аман хүзүүдсэн гэж шийдвэрлэжээ. Энэ шийдвэрийг хоёр уяач хүлээн зөвшөөрсөн байна. 

Уяач Э.Улаанхүү, Төрийн наадамдаа анх удаа морь мордуулж, түрүүлүүллээ. Сайхан байна. Хар үрээ маань Дундговь аймгийн Луус сумын унаган адуу. Б.Пунцагбалжирын үрээ. 

-Өмнө ямар уралдаанд уяж уралдуулж байв? 
-Улсын наадамд анх удаа тоосоо өргөж байгаа шинэ үрээ. Өмнө нь Хатан Туулын хурд, Өмнөговийн зүүн бүсийн наадамд түрүүлсэн. Булганд суманд сунгаагаа хийж байгаад  ирсэн. 

Миний багш Чулуунбадраалтын Гансүх гэж миний ах байсан. Арваадхан настайдаа ахыгаа дагаж морь унаж ирсэн. Төрийн наадамдаа түрүүлээд үнэхээр баярлаж байна гэлээ.