Хөлбөмбөгийн өсвөр үеийнхний хөгжил нь спортын сонирхолтой бөгөөд чухал бүрэлдэхүүн хэсэг билээ. Өсвөрийн хөлбөмбөгчдөд авьяас чадвараа хөгжүүлэх, сайжруулах боломжийг олгох нь аливаа клубийн нэн тэргүүний зорилт. Дэрэн клубийн хувьд олон жилийн туршид залуу хөлбөмбөгчдийн хөгжил дэвшил, тэдний чадавхыг хөгжүүлэхэд цаг зав, нөөцөө зориулж байна.

Өсвөрийн хөлбөмбөгчид  тухайн улсын ирээдүйн авьяасын нөөцийг бүрдүүлдэг төдийгүй хүүхдүүдийг бага наснаас нь энэ спортод татан оролцуулж, олон жил хичээллэх сэдлийг төрүүлэх нь хамгийн чухал учраас Дэрэн клуб жил бүр өсвөрийн хөлбөмбөгчдийн дунд “Дэрэн кап” тэмцээнийг зохион байгуулдаг.

Дэрэн кап тэмцээн нь 2010 оноос хойш 13 дахь жилдээ амжилттай зохион байгуулагдсан юм. Өсвөр үеийнхний хөгжил нь хүүхдийг бага наснаас нь хөлбөмбөгтэй танилцуулж, спортод дурлах, урт хугацаанд хамтран ажиллахад түлхэц болдог.

Хүүхдүүд багаасаа багийн спорт тэр дундаа хөлбөмбөгөөр дамжуулан хамтын ажиллагаа, харилцаа холбоо, сахилга бат, хүндэтгэл зэрэг амьдралын гол ур чадварыг эзэмшдэг бөгөөд тэмцээнд оролцсоноор аливаа зүйлийг давж, талбай дээр болон талбайн гадна тэдний зан чанарыг төлөвшүүлэхэд үнэтэй хувь нэмэртэй.

Тэр ч утгаараа энэ удаагийн Дэрэн кап тэмцээн гурван хоногийн турш өсвөрийн хөлбөмбөгчдөд ур чадвар, авьяас билэг, хамтын ажиллагаагаа сорих олон туршлагыг өгсөн байна. Тэмцээн 6, 7 нас, 8 нас, 10 нас, 12 нас гэсэн дөрвөн насны ангиллаар зохиогдсон юм.

Дэрэн кап тэмцээний 6, 7 насны ангилалд:

• 1-р байрт Дэрэн /цэнхэр/ баг
• 2-р байрт Лионс
• 3-р байрт Дэрэн /цагаан/ баг шалгарч, энэ насны шилдэг тоглогчоор Дэрэн багийн Бат-Эрдэнэ, шилдэг довтлогчоор Тэнүүн, шилдэг хаалгачаар Дэрэн багийн Тэмүүлэн шалгарчээ.

Дэрэн кап тэмцээний 8 насны ангилалд:

• 1-р байр Эрчим
• 2-р байр Дэрэн /цэнхэр/
• 3-р байр Хоромхон баг шалгарч, энэ насны шилдэг довтлогчоор Хоромхон клубийн Мөнхнар, шилдэг тоглогчоор Дэрэн клубийн Гарьд, шилдэг хаалгачаар Эрчим клубийн Чингүүн шалгарав.

Дэрэн кап тэмцээний 10 насны ангилалд:

• 1-р Байр Дэрэн /цэнхэр/
• 2-р Байр Хоромхон
• 3-р Байр Дэрэн цагаан
• 4-р Байр Дэрэн /цэнхэр/ U-9 насны баг шалгарч, шилдэг тоглогчоор Хоромхон клубийн Төгссанаа,
• шилдэг довтлогчоор Дэрэн /цэнхэр/ Баяр, шилдэг хаалгачаар Дэрэн /цагаан/ баг Энх- Ертөнц шалгарсан байна.

Дэрэн кап тэмцээний 12 Насны ангилалд:

• 1-р Байр Дэрэн U-12
• 2-р Байр Лара-1 баг (Орос)
• 3-р Байр Дэрэн U-11
• 4-р Байр Шор-Кёдр баг (Орос) тодорч, шилдэг тоглогчоор Дэрэн U-11 багийн Б.Анх-Эрдэнэ, шилдэг довтлогчоор Дэрэн U-12 багийн З.Эрхэмбаяр, шилдэг хаалгачаар Оросын Лара 1 багийн Али тодорсон байна