Нийслэлийн Онцгой байдлын газрын Гамшгаас урьдчилан сэргийлэх хэлтсийн дарга, дэд хурандаа Д.Хатбаатарын наадмын харуул хамгаалалтын талаар мэдээлэл өглөө. 

Долоодугаар сарын 10-18-ны өдрүүдэд тус газрын бие бүрэлдэхүүн Хүй долоо худагт өндөржүүлсэн бэлэн байдлын зэрэгт ажиллана.

Наадамчин олныг болзошгүй гамшиг, ослоос сэргийлэх зорилгоор гал түймэр унтраах, аврах болон эрэн хайх ангиуд Төв цэнгэлдэх хүрээлэн, Хүй долоо худагт 24 цагаар үүрэг гүйцэтгэж буй аж.

Мөн нийслэлийн иргэдийг амралт, зугаалгын үеэр үер, усны ослоос хамгаалахаар өглөөний 08:00 цагаас оройн 21:00 цагийн хооронд Туул, Сэлбэ, Хэрлэн гол дагуу завьт болон хөдөлгөөнт эргүүл ажиллуулж байна.

Түүнчлэн Туул голын эргийн найман аюулт цэгт 24 цагийн камерын хяналт тавьж, голын эрэг орчимд сэрэмжлүүлэг хүргэж буйг онцлов.