Өнөөдрийн байдлаар манай улсад нийт 1255 хүн улаанбурхан өвчний халдвар авчээ. Энэ өвчний улмаас энэ онд найман хүүхэд эндсэн. Эмнэлэгт гурван өвчтөний биеийн байдал нэн хүнд байна.

Насны бүлгээр нь харвал 19 хүртэл насны хүүхдүүд халдвар авсан нийт өвчтөнүүдийн дийлэнхийг эзэлжээ.

Улаанбурхан өвчин нь халдварлалт өндөртэй ч вакцинаар сэргийлэгдэх боломжтой халдварт өвчин юм. Та өөртөө болон хүүхдэдээ хоёр тун вакцин хийлгээд улаанбурхан, гахай хавдар, улаанууд гэсэн гурван өвчнөөс хамгаалах боломжтой.

Улаанбурхан өвчний батлагдсан тохиолдлын хавьтлаас улаанбурхнаар өвдөөгүй бол 72 цагийн дотор улаанбурханы эсрэг вакцинд хамрагдан өөрийгөө болон бусдыг улаанбурхан өвчнөөс хамгаалаарай гэж ХӨСҮТ зөвлөв.

Тодруулах, лавлах зүйл байвал ☎️100,119, 72224444 утсанд хандана уу.