Ирэх оны төсвийн төслийг Сангийн яам боловсруулж дуусжээ. Ирэх даваа гарагт УИХ-ын намрын чуулган эхэлж, 2026 оны улсын төсвийн тухай, 2026 оны Нийгмийн даатгалын тухай, Эрүүл мэндийн даатгалын тухай хуулийн төслүүдийг хэлэлцэнэ. Эдгээр нь төсвийн хуулийн төслийг дагалдуулан өргөн барьдаг хуулиуд юм.  

Ирэх оны төсвийн гол тоонууд 

Уул уурхайн салбараас ихээхэн хамааралтай манай улсын төсвийн орлогыг нүүрс, зэс голчлон бүрдүүлдэг. Энэ онд 85 сая тонн нүүрсийг урд хөршид борлуулах бол ирэх онд 90 сая тоннд хүргэнэ гэв. Харин зэсийн экспорт 2030-аас 1894 мянган тонн болж буурах тооцоо хийжээ. 

Экспортоос 16.6 тэрбум ам.долларын орлого олно гэв. Далд татвар болох инфляц одоо 9.5 хувь байгааг ирэх онд 7 болгон бууруулна.             

Манай улсын ДНБ 90 их наяд төгрөгт хүрсэн. Энэ дүнг ирэх онд 102 их наяд төгрөгт хүргэнэ гэв.