Энэхүү морин аяллыг санаачлагчид нийт 4000 километр замыг монгол, орос мориор туулж,  манай улсын дархан хилд хүрчээ.

Халх голын ялалтын түүхт 85 жилийн ойн хүрээнд, монгол, зөвлөлтийн дайчдын дурсгалыг мөнхжүүлэх зорилгоор энэ аяллыг зохион байгуулж байна.

Аялалд оролцогч Сергей ПОПОВ “Бид Монголын ялалт байгуулсан баатарлаг дайчдын удам. Тиймээс хамтын ялалтын алдар гавьяаг мөнхлөх, хойч үедээ таниулан сануулах үүднээс мориор аялж байна. Энэ бол баатарлаг ард түмнүүд, дайчдын нөхөд бэрх сорилтуудыг даван байгуулсан ялалт билээ” гэжээ.

Аялагчид Зайсан толгой дахь Зөвлөлтийн дайчдын хөшөө, Монголчуудын дунд “Ялалтын маршал” хэмээн хүндлэгдсэн Георгий Константинович Жуковын хөшөөнд өргөх цэцгээ ч авчирсан байна.

Тэдний морьдод хилийн Алтанбулаг боомтод мал эмнэлгийн үзлэгт оруулаад Монголын нутаг руу нэвтрүүлжээ.

Сергей ПОПОВ “Нутгийн ардууд бидэнд өвс тэжээлээр тусалсан. Монгол ахан дүүстээ туйлын байртай байна. Мөн бидэнд элгэмсэг дотно хандсан Монгол Улсын Хилийн цэргийнд их баярлалаа. Тэдний олонх нь Курган хотын хилийн цэргийн институтийг төгсжээ. Мөн олон албан хаагчдын найз тус сургуулийг төгссөн тухай бидэнд хэлсэн” гэжээ

Олон монгол залуус Курган хотын Хилийн цэргийн институтийн морин цэргийн сургалтын жүчээнд суралцдаг хэмээн Буриадын Бүгд найрамдах улсын Мэдээллийн бодлогын хорооноос мэдээлэв.