Украины Ерөнхийлөгч Володимир Зеленський улсад нь ирэх зэвсгийн тусламжийг түргэтгэхийг түншүүддээ уриалав.

Тодруулбал ОХУ-ын дайралтын улмаас фронт дахь нөхцөл байдал дордож, зарим газраас цэргүүдээ татах шаардлагатай болсон талаар Украины ерөнхий командлагч мэдэгдсэн.

Зеленський АНУ-ын Төлөөлөгчдийн танхимын удирдагчид тусламжийн багцыг баталсанд талархаж буйгаа илэрхийлээд Оросын дайралтыг зогсоохын тулд бусад улстай ч хамтран ажиллаж буйгаа хэлжээ.

АНУ өнгөрсөн долоо хоногт Украинд 61 тэрбум ам.доллар бүхий зэвсгийн тусламж үзүүлэх хуулийг баталсан юм. 

ОХУ-ын Батлан ​​хамгаалах яам ням гаргийн өглөө цэргүүд нь Авдеевкагаас хойд зүгт 10 километрийн зайд орших Новобахмутивка тосгоныг эзэлсэн гэдгээ мэдэгдсэн. 

Оросын цэргүүд тоогор илүүрхэж байгаа тул Украины арми гурван ч тосгоноос цэргүүдээ эргүүлэн татсан байна. 

Үүнтэй холбоотойгоор Ерөнхийлөгч Зеленський Украины Европын холбоо, НАТО-д элсэх асуудлын талаар албан ёсны яриа хэлэлцээг эхлүүлэх шаардлагатайг онцлов.

Эх сурвалж: Reuters