“Видан” компаниас “Гахайг аваръя” аяныг эхлүүлснээс хойших  тав хоногийн тайланг танилцуулав.

Аян энэ сарын 25-нд эхэлсэн, Содон хороолол, 1-р хороолол-Хархорин, Нарны хороолол, Баянмонгол хороолол, Бөхийн өргөө, Зайсан мөн 13-р хороолол Нарны замд тав хоногийн дотор 11 900кг “гахай” өргөст хэмхийг “аварчээ”. Иргэд ногоочдод 4,854,279₮-ний орлого оруулсан байна.

Одоогийн байдлаар нэг кг “гахай” өргөст хэмхийг дунджаар 408 төгрөгөөр үнэлжээ. Иргэд үйлдвэрт ашиглах боломжгүй, том хэмжээтэй өргөс хэмхийг хүссэнээрээ авч, хүссэн үнээ төлж байгаа юм.  Өнөөдөр Яармагт очих байсан ч цаг агаарын улмаас хойшилсон байна.

Уутаа авчраад худалдагчгүй мухлагаас хүссэн хэмжээгээрээ өргөст хэмх аваарай.