Санхүүгийн зохицуулах хорооны дарга, орон тооны бус гишүүн, Санхүүгийн зохицуулах хорооны Хяналтын зөвлөлийн дарга, гишүүн, Монгол банкны Мөнгөний бодлогын Хяналтын зөвлөлийн дарга, гишүүн, Үндэсний статистикийн хорооны зөвлөлийн гишүүний албан тушаалд нэр дэвшигчийн томилгооны сонсгол болж байна.

Санхүүгийн зохицуулах хорооны орон тооны бус гишүүнд нэр дэвшигч Л.Сонороос асуулт хариулт авлаа.

УИХ-ын гишүүн П.Сайнзориг иргэдийн өмчлөх эрх, баталгаатай чанартай өмч хөрөнгөтэй байхад даатгалын тогтолцоог уях боломжийн талаар асуулт асуув. Тэрбээр "Даатгалын салбарт өрсөлдөөн бараг байхгүй. Харин албан журмын даатгал буюу иргэдээс шууд "ховх сордог" даатгал дээр л өрсөлдөөн бий. Бусад сайн дурын даатгал дээр өрсөлдөөнгүй, эрсдэлийг үүрч чадахааргүй, эрсдэлийг хуваалцах сонирхолгүй болсон. Зүгээр мөнгө орж ирдэг хэсгүүдээ л тэлэхийг хүсэж байна. Тэгэхээр албан журмын даатгалын эзлэх хувийг бага байлгах хэрэгтэй. Ингэснээр өрсөлдөөний жинхэнэ мөн чанар гарч ирнэ. Би даатгалын компаниудын эздийг ч нэрлэхэд бэлэн байна. Тэд дандаа улс төрчид.

УИХ-ын чуулганд санхүү, эдийн засагтай холбоотой хуулийн хэлэлцүүлэгт санал бодлоо хуваалцаж, Монгол Улс FATF-ийн саарал жагсаалтаас гарахад олон улсын уулзалтуудад оролцон "нүүр тахалсан" туршлагатай нэгэн гэдгийг онцолж байв.

Энэ мэт асуудлаас үүдээд санхүүгийн бодлого явуулахад энэ бол маш хүнд салбар шүү. Үүнийг залуу хүний хувьд манлайлал үзүүлж, зүрх зоригтой ажиллаарай гэж захья. Эдгээр асуудал шийдэгдэхгүй бол Монгол улсад бизнес хөгжихгүй, эрсдэлийг дандаа татвар төлөгчдийн мөнгөөр төлдөг систем рүү явдаг" хэмээв.

Жолоочийн хариуцлагын даатгалын талаар нэр дэвшигч Л.Сонор "Уг нь энэхүү хуулийг урьдчилж мэдээллийг зөв өгөх юм бол маш боломжтой хувилбар юм. Жишээ нь Америкт хариуцлагагүй жолоочийн даатгалын хэмжээ нэмэгдэж, хариуцлагатай нь буурдаг тогтолцоотой" гэв.

УИХ-ын гишүүн М.Мандхай "Хувьцаат компаниудын зээл, хөрөнгө оруулалт, үйл ажиллагааны ил тод байдлыг нэмэгдүүлэх шаардлагатай байна. Учир нь хувьцаа эзэмшигчдэд тэрхүү мэдээлэл чухал юм. Тайлангаа зөв танилцуулж байгаа эсэхэд хяналт алга" гэсэн санааг хэлэхэд нэр дэвшигч Л.Сонор "Үүнд техник технологи, цахим үйл ажиллагааг идэвхжүүлэх боломжтой гэж харж байна. Жишээ нь хурлын үеэр хувьцаа эзэмшигчид шууд холбогдож мэдээлэл авдаг гэх мэт аргууд байдаг" хэмээлээ.

Түүнийг УИХ-ын чуулганд санхүү, эдийн засагтай холбоотой хуулийн хэлэлцүүлэгт санал бодлоо хуваалцаж, Монгол Улс FATF-ийн саарал жагсаалтаас гарахад олон улсын уулзалтуудад оролцон, хувь нэмрээ оруулж "нүүр тахалсан" туршлагатай гэдгийг онцолж байв.

Санхүүгийн зохицуулах хорооны орон тооны бус гишүүнд түүнийг сонгогдвол хичээл зүтгэлтэй, шударга ажиллахыг гишүүд хүслээ.