Хятад хэлний сургалтаар 10 дахь жилдээ үйл ажиллагаа явуулж буй “Ханз“ боловсролын төв БНХАУ-ын төрийн өмчит SCG боловсролын агентлагаас 4 одтой тэтгэлэг зуучийн франчайз эрх авчээ.

Ингэснээр Монголын хүүхэд, залууст Хятад улсын 800 гаруй сургуульд хэлний бэлтгэл болон бакалавр, магистрын зэрэгт сонгон суралцах боломжийг нээн өгч байна.

Монголын боловсролын байгууллага БНХАУ-ын төрийн өмчит боловсролын агентлагийн албан ёсны франчайз эрхтэй болно гэдэг нь дэлхийд хүлээн зөвшөөрөгдсөн сургалтын стандартыг Монголд шууд нутагшуулж буй онцлогтой юм. Ийнхүү “Ханз“ академийн хамт олон сургалт, тэтгэлгийн шинэ үүд хаалга нээснээр Хятад улсын боловсролын байгууллагуудад мөрддөг чанар, стандартыг эх орондоо нэвтрүүлэх эхлэлийг тавилаа.  

БНХАУ-д 17 жил сурч, ажиллаж амьдарсан туршлагатай Б.Отгонжаргал багш “Ханз” боловсролын төвийн үүсгэн байгуулагч бөгөөд өнөөдрийг хүртэл 7000 орчим оюутан, сурагчийг амжилттай төгсгөсөн.

Үүнээс 600 сурагчийг БНХАУ-д сурах тэтгэлэгт зуучилжээ. Тус академи өнгөрсөн хугацаанд хуримтлуулсан туршлагадаа үндэслэн хятад, орос, англи хэлний мэргэжлийн багш нараар багаа бүрдүүлэн хичээлийн хөтөлбөрийг үргэлж шинэчлэн гадаад хэлийг анхан шатнаас дээд шат хүртэл, нэг жилийн анги буюу есөн сарын хөтөлбөртөө элсэлт авсаар байна.

Мөн албан ёсны тэтгэлэг зуучийн агентлагийн хувиар оюутан, сурагчдыг Хятад улсын хүссэн хотод нь олон улсын шилдэг сургуулиудад зуучилж байна. Үүнээс гадна бичгийн болон аман орчуулга, сургалт зуучлал, дүрмийн ном, зурлагын дэвтэр, сургалтын гарын авлага, сурах бичгийг зохиох хэвлүүлэх зэрэг хэлний сургалттай холбоотой олон чиглэлийн ажлыг амжилттай зохион байгуулдаг албан ёсны эрхтэй байгууллага юм.