УИХ дахь Ардчилсан намын бүлгээс даваа гарагийн /2024.12.02/ ээлжит хурлаар хэлэлцсэн асуудлаар мэдээлэл хийлээ. 

УИХ дахь АН-ын бүлгийн дарга О.Цогтгэрэл, 12-р сарын 10 бол олон улсын хүний эрхийн өдөр. 1989 оны 12-р сарын 10-нд Монголд ардчиллын төлөөх анхны жагсаал цуглаан болж байсан тэмдэглэлт өдөр. 12-р сарын 29-нд үндэсний эрх чөлөө, тусгаар тогтнолоо сэргээн мандуулсан өдөр. Энэ мэтчилэн 12-р сард чухал тэмдэглэлт өдрүүд тохиодог. 

АН-ын бүлэг өнөөдрийн хурлаараа гурван асуудал хэлэлцлээ.

• 1-рт, Улаанбаатар хотын түгжрэлийг бууруулах “20 минутын хот” бодлогын хүрээнд хэрэгжүүлж  буй арга хэмжээний мэдээллийг сонссон.
• 2-рт, 2025 оны Төсвийн тухай хуульд Ерөнхийлөгч бүхэлд нь хориг тавьсантай холбоотойгоор Засгийн газраас Төсвийн тухай хуулийг өргөн барьсантай холбоотой Сангийн сайдын мэдээллийг сонссон.
• 3-рт, АН-ын бүлгээс Конрад Аденауэрийн сантай хамтарч 11-р сарын 27-нд  арга хэмжээ зохион байгуулсан. Энэ арга хэмжээнээс УИХ-ын тогтоолын төсөл өргөн барих нь зүйтэй гэсэн шийдвэр гаргасан. Тогтоолын төсөл нь Чөлөөт зах зээлийг хөгжүүлж, хувийн өмч, эдийн засгийн эрх чөлөөг хамгаалах тухай утга санаа, агуулгын хүрээнд дөрвөн зүйл заалтыг тусгасан гэв.