Дональд Трамп, Володимир Зеленський нар Пап Францисын оршуулах ёслолд оролцох үеэрээ биечлэн уулзсан нь маш үр дүнтэй байсан гэв.

Тодруулбал Ромын Католик сүмийн тэргүүн Пап Францисын оршуулах ёслол бямба гарагт Ватиканд болсон бөгөөд олон улсын тэргүүн оролцсон юм.

15 минутын уулзалтыг Цагаан ордноос маш үр дүнтэй байсан гэсэн бол Украины ерөнхийлөгч "түүхэн уулзалт" байх боломжтой хэмээн тодорхойлжээ. 

Уг уулзалт нь талууд өнгөрсөн хоёрдугаар сард Цагаан ордонд уулзаж, ширүүхэн сөргөлдсөнөөс хойших анхны биечлэн уулзсан явдал болов.

Уулзалтын өмнө ОХУ Украин руу довтолсон бөгөөд үүнийг Трамп өөрийн цахим сүлжээнд шүүмжилсэн.

Мөн Зеленськийг ОХУ Крымийн хойгийг эзэлснийг хүлээн зөвшөөрөхгүй байгаа нь дайныг сунжруулж байна гэсэн юм.

Гэхдээ үүний дараа өнгөрсөн баасан гарагт АНУ-ын тусгай элч ОХУ-ын талтай гурван цагийн турш уулзаж, ярилцсаны дараа энхийн хэлэлцээр хийхэд маш ойрхон байгааг Трамп хэлсэн. 

Харин Кремлиэс тусгай элчтэй хийсэн уулзалтын дараа Путин ямар нэг "урьдчилсан нөхцөлгүйгээр" Украинтай шууд яриа хэлэлцээ хийхэд бэлэн байгааг мэдэгдсэн юм.

Эх сурвалж: Reuters