“Rio Tinto”-ийн Гүйцэтгэх захирал яриа хэлэлцээ хийхээр Монголд ирснийг эх сурвалж мэдээлэв

“Rio Tinto” компани “Оюутолгой” төслийн зэсийн агуулга болон олборлолтын түвшнийг уналтаас сэргийлэх үүднээс Монгол Улсын Засгийн газар болон Торонтогийн Хөрөнгийн биржид бүртгэлтэй “Entrée Resources” компанитай гурван талт шинэ гэрээ байгуулахыг зорьж байна.

Амралтын өдрүүдэд “Rio Tinto” группийн Гүйцэтгэх захирал яриа хэлэлцээ хийхээр Монголд ирснийг эх сурвалж мэдээллээ. Тухайлбал: “Entrée Resources”-ийн эзэмшилд байдаг зэсийн нөөцөөр баялаг газар нутгийг “Оюутолгой” төсөлтэй нэгтгэх яриа хэлэлцээ сүүлийн 20 жил үргэлжилжээ. Харин уурхайн энэ жилийн олборлолтын түвшнийг хадгалахад тухайн гэрээг ойрын найман  долоо хоногт эцэслэх шаардлага үүссэн байна.

“Rio Tinto”-ийн ажил төлөвлөгөөний дагуу явах тохиолдолд “Оюутолгой” уурхай нь 2030 он гэхэд дэлхийн дөрөв дэх том зэсийн уурхай болох тооцоотой байгаа юм.