УИХ-ын чуулганы хуралдаан эхэллээ. 66 гишүүнтэйгээр, 52 хувийн ирцтэй эхлэв. 

Хамгийн түрүүнд Цагдаагийн албаны тухай хуулийн төслийг хэлэлцэнэ.  Өнөөдөр дараах хуулийн төслийг хэлэлцэнэ.

• “Монгол Улсын хөгжлийн 2025 оны төлөвлөгөө батлах тухай” Улсын Их Хурлын тогтоолын төсөл /Засгийн газар 2024.09.27-ны өдөр өргөн мэдүүлсэн, нэг дэх хэлэлцүүлэг/
• Цагдаагийн албаны тухай хуульд өөрчлөлт оруулах тухай хуулийн төсөл /Үндсэн хуулийн цэцийн 2024 оны 03 дугаар дүгнэлтийг хүлээн зөвшөөрсөнтэй холбогдуулан боловсруулсан, анхны хэлэлцүүлэг/
• Монгол Улсын нэгдсэн төсвийн 2025 оны төсвийн хүрээний мэдэгдэл, 2026-2027 оны төсвийн төсөөллийн тухай хуульд өөрчлөлт оруулах тухай хуулийн төсөл /Засгийн газар 2024.08.30-ны өдөр өргөн мэдүүлсэн, хэлэлцэх эсэх/
• Монгол Улсын 2025 оны төсвийн тухай, Үндэсний баялгийн сангийн 2025 оны төсвийн тухай, Нийгмийн даатгалын сангийн 2025 оны төсвийн тухай, Эрүүл мэндийн даатгалын сангийн 2025 оны төсвийн тухай хуулийн төсөл /Засгийн газар 2024.08.30-ны өдөр өргөн мэдүүлсэн, нэг дэх хэлэлцүүлэг/

УИХ-ын гишүүн Х.Тэмүүжин Цагдаагийн байгууллага хуулиас давсан журам баталж, иргэдийн эрхийг зөрчсөөр байгаа тул Цагдаагийн албаны хуулийг шинэчлэх шаардлагатай гэв. УИХ-ын гишүүн М.Нарантуяа жагсаал цуглаан хийх гэсэн иргэдийн үг хэлэх, үзэл бодлоо илэрхийлэх эрхийг цагдаа нар ихээхэн зөрчдөг гэв.

Мөн УИХ-ын гишүүн Х.Баасанжаргал цагдаа нар иргэнийг 2-3 цаг хүлээлгэж, суулгачхаад "Таныг саатуулах боллоо" гэдэг. Иймд хуульд цагдаа иргэнд саатуулах тухай шийдвэрийг нэн даруй мэдэгдэх үүрэгтэй гэж нэмж оруулах санал хэлэв.