Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
7
Оны эхний хоёр сарын байдлаар 10.2 сая тонн нүүрсийг 858.8 сая ам.доллароор экспортлоод байна
Монголын төмөр зам, Тавантолгой төмөр замын Гашуунсухайт, Ханги чиглэлийн төмөр замын тээврийн үнийг авто тээврийн үнэтэй өрсөлдөхүйц байлгахаар 50 хувиар бууруулах болсныг Зам, тээврийн яам мэдээллээ. Тодруулбал: Ханги боомтын чиглэлд нэг тонн нүүрс тээвэрлэх авто тээврийн үнэ 92 ам.доллар байгаа бол төмөр замынхыг 90 ам.доллар болгож бууруулсан байна. Ханги болон Гашуунсухайт нь уул уурхайн бүтээгдэхүүний биржийн арилжааг нэвтрүүлж байгаа хилийн гол боомтууд юм.
Монгол Улсын экспорт, импортын хамгийн том боомтуудын дунд Ханги боомт байршдаг бөгөөд гадаад худалдааны эргэлтэд хүч нэмэх чухал гарц учир хүчин чадлыг нь өргөтгөн, уул уурхайн бүтээгдэхүүний экспортыг нэмэх боломжтой. Мөн хоёр улсын хил төмөр замаар холбогдсоноор Замын-Үүд, Гашуунсухайтын боомтын ачааллыг хуваалцан, хүлээгдэж буй уул уурхайн төслийн үйлдвэрлэл эхлэхэд Ханги боомт экспортын гол гарц болох аж.
Ханги боомтоор сүүлийн долоо хоногийн байдлаар 74.9 мянган тонн нүүрсийг 563 тээврийн хэрэгслээр тээвэрлэжээ.
Харин Гашуунсухайтын боомтоор өдөрт нүүрс тээврийн 1000 гаруй автомашин хил давж байгаа бөгөөд Тус боомтоор нүүрсний экспортын 55, зэсийн баяжмалын экспортын 60 хувийг гаргаж байна.
“Нүүрсний үнэ буурч байгаа тул өртөг зардлыг нь бууруулах талд анхаарч байна. Уурхайн амнаас ачилтын талбай руу нүүрс зөөх өртөг зардал өндөр байгааг бууруулах боломж байгаа”-г Зам, тээврийн сайд тодотголоо.
Үүнээс гадна Засгийн газар нүүрсний экспортыг 100 сая тонн давуулах зорилгоор БНХАУ-ын Хөгжил шинэтгэлийн хороотой уулзалт, хэлцэл хийж байгааг Аж үйлдвэр, эрдэс баялгийн сайд мэдээлсэн юм.
Оны эхний хоёр сарын байдлаар 10.2 сая тонн нүүрсийг 858.8 сая ам.доллароор экспортолсон нь өмнөх оны мөн үеэс биет хэмжээ нь 3.4 хувиар, үнийн дүн нь 35.7 хувиар буураад байна.
2025 оны төсөвт нэг тонн нүүрсийг 105 ам.доллароор нийт 83 сая тонн нүүрс экспортлохоор тусгасан ч он гарсаар эхний хоёр сарын байдлаар нүүрсний үнэ тонн нь 80 гаруй ам.долларт хэлбэлзэж, 20 орчим хувиар буураад байгаа юм.
Оны эхний хоёр сарын байдлаар 10.2 сая тонн нүүрсийг 858.8 сая ам.доллароор экспортлоод байна
Монголын төмөр зам, Тавантолгой төмөр замын Гашуунсухайт, Ханги чиглэлийн төмөр замын тээврийн үнийг авто тээврийн үнэтэй өрсөлдөхүйц байлгахаар 50 хувиар бууруулах болсныг Зам, тээврийн яам мэдээллээ. Тодруулбал: Ханги боомтын чиглэлд нэг тонн нүүрс тээвэрлэх авто тээврийн үнэ 92 ам.доллар байгаа бол төмөр замынхыг 90 ам.доллар болгож бууруулсан байна. Ханги болон Гашуунсухайт нь уул уурхайн бүтээгдэхүүний биржийн арилжааг нэвтрүүлж байгаа хилийн гол боомтууд юм.
Монгол Улсын экспорт, импортын хамгийн том боомтуудын дунд Ханги боомт байршдаг бөгөөд гадаад худалдааны эргэлтэд хүч нэмэх чухал гарц учир хүчин чадлыг нь өргөтгөн, уул уурхайн бүтээгдэхүүний экспортыг нэмэх боломжтой. Мөн хоёр улсын хил төмөр замаар холбогдсоноор Замын-Үүд, Гашуунсухайтын боомтын ачааллыг хуваалцан, хүлээгдэж буй уул уурхайн төслийн үйлдвэрлэл эхлэхэд Ханги боомт экспортын гол гарц болох аж.
Ханги боомтоор сүүлийн долоо хоногийн байдлаар 74.9 мянган тонн нүүрсийг 563 тээврийн хэрэгслээр тээвэрлэжээ.
Харин Гашуунсухайтын боомтоор өдөрт нүүрс тээврийн 1000 гаруй автомашин хил давж байгаа бөгөөд Тус боомтоор нүүрсний экспортын 55, зэсийн баяжмалын экспортын 60 хувийг гаргаж байна.
“Нүүрсний үнэ буурч байгаа тул өртөг зардлыг нь бууруулах талд анхаарч байна. Уурхайн амнаас ачилтын талбай руу нүүрс зөөх өртөг зардал өндөр байгааг бууруулах боломж байгаа”-г Зам, тээврийн сайд тодотголоо.
Үүнээс гадна Засгийн газар нүүрсний экспортыг 100 сая тонн давуулах зорилгоор БНХАУ-ын Хөгжил шинэтгэлийн хороотой уулзалт, хэлцэл хийж байгааг Аж үйлдвэр, эрдэс баялгийн сайд мэдээлсэн юм.
Оны эхний хоёр сарын байдлаар 10.2 сая тонн нүүрсийг 858.8 сая ам.доллароор экспортолсон нь өмнөх оны мөн үеэс биет хэмжээ нь 3.4 хувиар, үнийн дүн нь 35.7 хувиар буураад байна.
2025 оны төсөвт нэг тонн нүүрсийг 105 ам.доллароор нийт 83 сая тонн нүүрс экспортлохоор тусгасан ч он гарсаар эхний хоёр сарын байдлаар нүүрсний үнэ тонн нь 80 гаруй ам.долларт хэлбэлзэж, 20 орчим хувиар буураад байгаа юм.