Тэргүүн Шадар сайд бөгөөд Эдийн засаг, хөгжлийн сайд Н.Учрал БНХАУ-ын Шанхай хотод “Дэлхийн хиймэл оюун ухааны чуулга уулзалт”-д оролцож байна.

Энэ үеэр Хятадын Төрийн зөвлөлийн Ерөнхий сайд, Засгийн газрын тэргүүн Ли Цян-тай "Хиймэл оюун ухааны экспо"-д зочиллоо.

Дэлхийн хиймэл оюун ухааны чуулга уулзалтыг 2018 оноос хойш жил бүр Шанхай хотод тогтмол зохион байгуулдаг.

Дэлхийн өнцөг булан бүрээс төр, хувийн хэвшил, олон улс, эрдэм шинжилгээ, судалгаа зэрэг 1000 гаруй төлөөлөл урилгаар оролцдог.

Хиймэл оюун ухааны салбар дахь дэлхийн хэмжээний тэргүүлэх үйл ажиллагаа юм. Энэ жил “Хиймэл оюун ухааны эрин – Дэлхийн эв нэгдэл” сэдвийн дор зохион байгуулагдаж байна.