Өнөөдөр буюу аравдугаар сарын 13-ны 11:00 цагаас Төрийн байгуулалтын байнгын хороо хуралдаж Ерөнхий сайд Г.Занданшатарыг огцруулах саналыг үргэлжлүүлэн хэлэлцэх байв. 

Гэсэн ч гишүүд хуралдаа орж ирэхгүй 35 минут өнгөрсөн тул хуралдааныг хаах шийдвэрийг тус байнгын хорооны дарга Ц.Сандаг-Очир гаргалаа. 

Тэрбээр "УИХ дахь Ардчилсан намын бүлгийн хуралдаан 10 цагт эхлээд дуусаагүй байна. ХҮН намын бүлэг, МАН-ын бүлэг гээд хэн хэн нь хариуцлагагүй байна. Чухал асуудал хэлэлцэх гэж байхад ирцээр бойкотлож байна. 

Байнгын хорооны гишүүдээс Б.Хэрлэн, С.Зулпхар, М.Бадамсүрэн гишүүд ирсэн бөгөөд С.Бямбацогт, Ц.Даваасүрэн нар хуралдаа орж ирээд гарсан. Байнгын хорооны биш гишүүдээс П.Сайнзориг, Б.Жавхлан гишүүд ирсэн. Н.Номтойбаяр, О.Алтангэрэл нар албан томилолттой байгаа тул ирцнээс хассан. 

Гишүүд ирэхгүй байгаа тул өнөөдрийн хурлыг хаалаа. Жич, хурлын товыг тогтоож, зар хүргүүлэн дахин хуралдуулна. Хэлэлцэх асуудал хэвээрээ" гэсэн мэдээллийг өглөө.