Нийслэлийн Засаг дарга Х.Нямбаатар өнөөдөр /2025.08.25/ НИТХ-ын үеэр хотын барилгажилттай холбоотой шинэ стандарт нэвтрүүлэх шаардлагатай талаар хэлээд, хотын Ерөнхий архитектор Ч.Төгсдэлгэрт тодорхой үүрэг даалгавар өглөө. 

Х.Нямбаатар, 40, 50 мянгатын байруудыг буулгаж, эхнээсээ 16-20 давхар барилгууд барьж байна. Хотын төв хөрөөний ир шиг янз бүрийн өндөртэй барилгуудаар дүүрлээ. Тиймээс Их тойруу, Бага тойруу дотор долоон давхраас дээш өндөртэй барилга бариулахгүй гээд энэ хэсгийн барилгын өндөржилтийг НИТХ-аар батлуулах ажлыг яаралтай зохион байгуулахыг нийслэлийн Ерөнхий архитектор Ч.Төгсдэлгэрт үүрэг болгов. 

Мөн тэрбээр цаашид барилгуудыг зөвхөн чулуу эсвэл металл фасадаар өнгөлдөг болгоно. Хөөсөн фасад хэрэглэхийг бүр мөсөн хориглоно. Ингэснээр иргэдийн үл хөдлөх хөрөнгийн үнэ цэн ч өснө.

Улаанбаатарт 2026 оноос барилга барих бол хөөсөн фасадтай барилга барих зөвшөөрөл олгоно. Энэ нь барилгын үнэд тодорхой хэмжээгээр нөлөөлөх ч хотын өнгө үзэмжийг давхар бодох ёстой гэв.