Багш нарын цалинг нэмэх асуудлаар Монголын боловсрол, шинжлэх ухааны үйлдвэрчний эвлэлийн холбоо болон Боловсролын яам хэлцэл хийж өнгөрсөн баасан /2025.10.31/ тохиролцсон байна.

Энэ талаар Боловсролын сайд П.Наранбаяраас тодруулахад, Монголын боловсрол, шинжлэх ухааны үйлдвэрчний эвлэлийн холбоотой өнгөрсөн баасан гарагт нэмэлт хэлэлцээр хийж тохиролцсон. Тус холбооноос мэдэгдэл хийж, Хөдөлмөрийн тухай хуулийн 27-р зүйлд заасны дагуу ажил хаялтыг дуусгавар болгож буйгаа зарлана гэж бодож байна.

Хэлцлийн үр дүнгээс хэлэхэд 2026 оны төсөвт багш нары үндсэн цалинг 2 сая 226 мянга, оны эцсээр 2.8 сая төгрөгт хүргэх, үүнтэй уялдуулан боловсролын байгууллагуудын цалингийн бүтцийн шинэчлэл хийх үүрэг хүлээж байна.

Тэгэхээр ажил хаялт маргааш зогсож, боловсролын байгууллагууд хэвийн үйл ажиллагаанд шилжинэ гэж найдаж байна. Цалингийн нэмэгдлийг 2026 оны төсөвт суулгахаар ажиллаж байна гэв.