Засгийн газрын ээлжит бус хуралдаан өнөөдөр (2025.11.28) болж, дараах шийдвэрийг гаргалаа. 
”Эрчист Монгол” ХХК-ийн харьяа төрийн өмчит компаниудыг удирдлага, менежментээр хангах хүрээнд явуулсан хяналт-шинжилгээний мөрөөр Төрийн өмчит зарим компанийн удирдлагуудад хариуцлага тооцохыг чиглэл болголоо. 

• “Дулааны дөрөвдүгээр цахилгаан станц” ТӨХК-ийн удирдлагууд төсвийн хөрөнгийг үр ашиггүй зарцуулсан;
• “Мэдээлэл холбооны сүлжээ” ХХК Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль зөрчсөн; 
•  МИАТ ТӨХК үр ашиггүй зардлыг нэмэгдүүлсэн зэрэг нь тогтоогдсон тул эдгээр компанийн удирдлагуудад хариуцлага тооцох чиглэл өглөө. 

Эмч, ажилчдын илүү цагийн хөлс, урвалж оношлуурын зардалд Засгийн газрын нөөц сангаас нэг тэрбум 400 сая төгрөг гаргана. 

Монгол Улс болон Евразийн эдийн засгийн холбоо, түүний гишүүн орнууд хоорондын худалдааны түр хэлэлцээрийг соёрхон батлах тухай хуулийн төслийг хэлэлцээд УИХ-д өргөн мэдүүлэхээр тогтлоо.