Ардчилсан намын шинэ даргыг сонгох Үндэсний бодлогын хорооны хурал өнөөдөр /2025.08.31/ болж УИХ-ын гишүүн, УИХ дахь Ардчилсан намын бүлгийн дарга О.Цогтгэрэл тодорлоо. 

Үндэсний бодлогын хорооны ээлжит бус хуралдаанаас гарсан энэхүү шийдвэрийг Намын Их хурлын гишүүдэд танилцуулж ёсчлох дэгтэй.

Намын даргын сунгаанд УИХ-ын гишүүн, УИХ-ын дэд дарга Б.Пүрэвдорж, УИХ-ын гишүүн Ж.Баярмаа, ҮБХ-ны гишүүн Б.Отгонбат нар өрсөлдсөн юм.

О.Цогтгэрэлийн боловсрол, намтар: 

• 1993 онд Увс аймгийн Тэс сумын 10 жилийн дунд сургууль
• 1998 онд ТИС-ийн Компьютерын техник менежментийн сургууль, эдийн засагч
• 2008 онд Удирдлагын академи, магистр

АЖИЛЛАСАН БАЙДАЛ

• 1998-2011 онд ТЭСО ХХК-ийн захирал
• 2012-2015 онд Монгол Улсын Ерөнхий сайдын зөвлөх
• 2015-2017 онд Увс аймгийн Ардчилсан Намын дарга
• 2015-2020 онд ТЭСО корпорацын ерөнхийлөгч
• 2020-2024 онд Монгол Улсын Их Хурлын гишүүн
• 2022 оноос Монгол Улсын Их Хурал дахь Ардчилсан Намын бүлгийн дарга
• 2024 оноос Монгол Улсын Их Хурлын гишүүн

ГАДААД ХЭЛ

• Англи